സെയ്ന്‍സ് ഹോട്ടല്‍ ഉടമ സൈനബി നൂർ അന്തരിച്ചു

കോഴിക്കോട്: സെയ്ന്‍സ് ഹോട്ടല്‍ ഉടമ സൈനബി നൂർ (82) അന്തരിച്ചു. കോഴിക്കോടിന്റെ തനത് ഭക്ഷണ വിഭവങ്ങള്‍ തയാറാക്കി വില്പന നടത്തുന്ന 'സെയ്ന്‍സ്' ഹോട്ടലിലൂടെയാണ് സൈനബി ശ്രദ്ധേയമായത്. 

ബീച്ചിന് സമീപമുള്ള സെയ്ന്‍സ് ഹോട്ടല്‍ കോഴിക്കോട് സന്ദർശിക്കുന്നവരുടെ പ്രധാന ഫുഡ് സ്പോട്ടായിരുന്നു. സഹോദരി ഹലീമയുടെ വസതിയിലായിരുന്നു സൈനബിയുടെ അന്ത്യം. മൃതദേഹം കണ്ണംപറമ്പ് പള്ളി ഖബർസ്ഥാനില്‍ ഖബറടക്കി.

പരേതനായ നൂർ മുഹമ്മദാണ് ഭർത്താവ്. മകൾ- ഷിറിൻ മുസ്തഫ,മരുമകൻ- മൂർപ്പാള വീട്ടിൽ മുസ്തഫ. സഹോദരങ്ങൾ: പി.എൻ.എം ജാഫർ, ദാവൂദ്, ഖദീജ, ഹലീമ, പരേതരായ ആലിക്കോയ, മാമുക്കോയ, ആയിശബി.