"പൊലീസ് നടപടിയെടുക്കുന്ന ലക്ഷണം ഇല്ല"; പരാതിയുമായി മുന്നോട്ടു പോകുമെന്ന് ഷാഫി പറമ്പിൽ എംപി

കോഴിക്കോട്: പേരാമ്പ്ര സംഘർഷത്തിൽ പരാതിയുമായി മുന്നോട്ടു പോകുമെന്ന് ഷാഫി പറമ്പിൽ എംപി. പാർട്ടിയായുമായും യുഡിഎഫ് നേതൃത്വവുമായും ആലോചിച്ച് ഉചിതമായ തീരുമാനം എടുക്കും. നിയമനടപടി ആർക്കെതിരെയാണോ സ്വീകരിക്കേണ്ടത് അവർക്കെതിരെ നിയമനടപടിയായിട്ട് പോകുമെന്നും ഷാഫി പറമ്പിൽ പറഞ്ഞു.

പൊലീസിനെതിരെ നടപടിയെടുക്കണമെന്നും, മനഃപൂർവം മർദിച്ചതിന് തെളിവുണ്ട് എന്നും ചൂണ്ടിക്കാട്ടി ഷാഫി പറമ്പിൽ ലോക്‌സഭ സ്പീക്കർക്ക് പരാതി നൽകിയിരുന്നു. സമാധാനപരമായി നടന്ന പരിപാടിയിൽ പൊലീസ് അതിക്രമം കാണിച്ചതായും, എംപി ആണെന്നറിഞ്ഞിട്ടും തന്നെ മർദിച്ചതായും പരാതിയിൽ പറയുന്നു.