കോഴിക്കോട്: കോഴിക്കോട് അരയിടത്ത് പാലത്ത് ഇന്നലെയുണ്ടായ ബസ് അപകടത്തില് ഗുരുതരമായി പരിക്കേറ്റ് ചികിത്സയിലായിരുന്ന യുവാവ് മരിച്ചു.
ബൈക്ക് യാത്രികന് മുഹമ്മദ് സാനിഫ് (27) ആണ് മരിച്ചത്. കോഴിക്കോട് സ്വകാര്യ ആശുപത്രിയില് ചികിത്സയിലായിരുന്നു.
വൈകിട്ട് 4.15 ഓടെയാണ് അപകടം നടന്നത്. മാവൂരിലേക്ക് പോകുകയായിരുന്ന വെര്ടെക്സ് ബസ് മറ്റൊരു ബസുമായി ഉരസിയിരുന്നു.
തുടര്ന്ന് അമിതവേഗത്തില് പോകവെ അരയിടത്തുപാലം മേല്പ്പാലത്തിന് മുകളില് വെച്ച് എതിരെ വന്ന ബൈക്കില് ഇടിച്ചു.
ഇടിയെത്തുടര്ന്ന് ബൈക്ക് യാത്രക്കാരന് മുന്നിലുണ്ടായിരുന്ന കാറിന് മുന്നിലേക്ക് വീണു. ബസ് ബൈക്കിന് മുകളിലൂടെ കയറി നിയന്ത്രണം വിട്ട് മറിയുകയുമായിരുന്നു.