താമരശ്ശേരിയിലെ പത്താംക്ലാസുകാരന്റെ മരണം. ഏറെ ദുഖകരമായ സംഭവം. പൊതുവിദ്യാഭ്യാസ ഡയറക്ടർക്ക് അന്വേഷണ ചുമതലയെന്ന് മന്ത്രി ശിവൻകുട്ടി

കോഴിക്കോട്: താമരശ്ശേരിയിൽ  പത്താംക്ലാസുകാരൻ വിദ്യാർഥി സംഘർഷത്തിന്റെ മർദനമേറ്റ മരിച്ച സംഭവത്തിൽ പ്രതികരണവുമായി മന്ത്രി വി ശിവൻകുട്ടി.

മുഹമ്മദ് ഷഹബാസ് എന്ന വിദ്യാർത്ഥി മരണമടഞ്ഞത് ഏറെ ദുഖകരമായ സംഭവമാണെന്നും കുടുംബത്തിന്റെ ദുഃഖത്തിൽ പങ്കുചേരുന്നുവെന്നും മന്ത്രി ഫേസ്ബുക്കിലൂടെ അറിയിച്ചു.

ഇക്കാര്യത്തിൽ പൊലീസ് ശക്തമായ അന്വേഷണം നടത്തുന്നുണ്ട്. കോഴിക്കോട് വിദ്യാഭ്യാസ ഉപഡയറക്ടർ ഇക്കാര്യം അന്വേഷിക്കുകയും പ്രാഥമിക റിപ്പോർട്ട് സമർപ്പിക്കുകയും ചെയ്തിട്ടുണ്ട്. 

വിശദമായ വകുപ്പുതല അന്വേഷണം നടത്താൻ പൊതുവിദ്യാഭ്യാസ ഡയറക്ടറെ ചുമതലപ്പെടുത്തിയതായും മന്ത്രി വ്യക്തമാക്കി.