കണ്ണൂരിൽ കെ.പി മോഹനൻ എം.എൽ.എക്കെതിരെ കയ്യേറ്റശ്രമം; കണ്ടാലറിയാവുന്ന 25 പേർക്കെതിരെ കേസെടുത്ത് പൊലീസ്

കണ്ണൂര്‍: കുത്തുപറമ്പ് എം.എൽ.എ കെ.പി മോഹനനെതിരെ ഉണ്ടായ കയ്യേറ്റ ശ്രമത്തിൽ കേസെടുത്ത് പൊലീസ്.

കണ്ടാലറിയാവുന്ന 25 പേർക്കെതിരെയാണ് കേസെടുത്തിരിക്കുന്നത്. പൊലീസ് സ്വമേധയാ ആണ് കേസെടുത്തത്. ഇന്ന് രാവിലെയാണ് എം എൽ എ ക്കെതിരെ കയ്യേറ്റ ശ്രമം നടന്നത്.

അതിനിടെ, കെ പി മോഹനൻ എം എൽ എ യ്ക്ക് എതിരായ കയ്യേറ്റം പ്രതിഷേധാർഹമെന്ന് എൽഡിഎഫ് പറഞ്ഞു. ജനാധിപത്യത്തിന് നേരെയുള്ള കയ്യേറ്റമെന്ന് എൽഡിഎഫ് കൂത്തുപറമ്പ് നിയോജക മണ്ഡലം കമ്മറ്റി അഭിപ്രായപ്പെട്ടു.