വൈദ്യുതി ബില്ലില്‍ 35% വരെ ലാഭം. ഉയര്‍ന്ന തോതില്‍ വൈദ്യുതി ഉപയോഗിക്കുന്ന ഉപകരണങ്ങള്‍ വൈകുന്നേരം 6 മണിക്ക് ശേഷം ഉപയോഗിക്കുന്നത് ഒഴിവാക്കണമെന്ന് കെ. എസ്. ഇ. ബി

തിരുവനന്തപുരം: വൈദ്യുതി ബില്ലില്‍ 35% വരെ ലാഭം നേടാനുള്ള വഴികള്‍ പങ്കുവെച്ച് കെ എസ് ഇ ബി. ഉയര്‍ന്ന തോതില്‍ വൈദ്യുതി ഉപയോഗിക്കുന്ന ഉപകരണങ്ങള്‍ വൈകുന്നേരം 6 മണിക്ക് ശേഷം ഉപയോഗിക്കുന്നത് ഒഴിവാക്കാമെന്ന് കെ എസ് ഇ ബി പങ്കുവെച്ച സോഷ്യല്‍മീഡിയ പോസ്റ്റില്‍ കുറിച്ചു.

പ്രതിമാസം 250 യൂണിറ്റിലധികം ഉപയോഗമുള്ളവര്‍ക്ക് വൈകുന്നേരം 6 മണിക്ക് ശേഷമുള്ള പീക്ക് മണിക്കൂറുകളില്‍ 25% അധികനിരക്ക് ബാധകമാണ്. 

എന്നാല്‍, രാവിലെ 6നും വൈകുന്നേരം 6നുമിടയില്‍ 10 ശതമാനം കുറവ് നിരക്കില്‍ വൈദ്യുതി ഉപയോഗിക്കാന്‍ കഴിയും, വീട്ടിലെ വൈദ്യുത വാഹന ചാര്‍ജിങ്ങും പമ്പ് സെറ്റ്, വാട്ടര്‍ ഹീറ്റര്‍, മിക്‌സി, ഗ്രൈന്‍ഡര്‍, വാഷിംഗ് മെഷീന്‍, ഇസ്തിരിപ്പെട്ടി തുടങ്ങിയവയുടെ ഉപയോഗവും പകല്‍ സമയത്തേക്ക് മാറ്റുന്നത് വഴി വൈദ്യുതി ബില്ലില്‍ വലിയ ലാഭം നേടാമെന്നുമുള്ള വഴികളും കെ എസ് ഇ ബി പങ്കുവെച്ചു.