രാ​ത്രി​യി​ൽ പെ​ൺ​കു​ട്ടി​ക​ളാ​യ യാ​ത്ര​ക്കാ​രെ കെ​എ​സ്ആ​ർ​ടി​സി സൂ​പ്പ​ർ ഫാ​സ്റ്റ് ബ​സി​ൽ ആ​വ​ശ്യ​പ്പെ​ട്ട സ്ഥ​ല​ത്ത് ഇ​റ​ക്കാ​തി​രു​ന്ന​താ​യി പ​രാ​തി

ചാ​ല​ക്കു​ടി: രാ​ത്രി​യി​ൽ പെ​ൺ​കു​ട്ടി​ക​ളാ​യ യാ​ത്ര​ക്കാ​രെ കെ​എ​സ്ആ​ർ​ടി​സി സൂ​പ്പ​ർ ഫാ​സ്റ്റ് ബ​സി​ൽ ആ​വ​ശ്യ​പ്പെ​ട്ട സ്ഥ​ല​ത്ത് ഇ​റ​ക്കാ​തി​രു​ന്ന​താ​യി പ​രാ​തി.

തി​രു​വ​ന​ന്ത​പു​ര​ത്തു​നി​ന്ന് തൃ​ശൂ​രി​ലേ​ക്ക് പോ​കു​ക​യാ​യി​രു​ന്ന ബ​സി​ൽ അ​ങ്ക​മാ​ലി​യി​ൽ​നി​ന്ന് ക​യ​റി​യ പൊ​ങ്ങം നൈ​പു​ണ്യ കോ​ള​ജി​ലെ വി​ദ്യാ​ർ​ഥി​നി​ക​ൾ​ക്കാ​ണ് ദു​ര​നു​ഭ​വ​മു​ണ്ടാ​യ​ത്.

കൊ​ര​ട്ടി​ക്ക് അ​ടു​ത്ത് പൊ​ങ്ങ​ത്ത് ബ​സ് നി​ർ​ത്താ​ൻ കു​ട്ടി​ക​ൾ ആ​വ​ശ്യ​പ്പെ​ട്ടെ​ങ്കി​ലും ഡ്രൈ​വ​റും ക​ണ്ട​ക്ട​റും ത​യ്യാ​റാ​യി​ല്ലെ​ന്നാ​ണ് പ​രാ​തി. ഇ​ടു​ക്കി സ്വ​ദേ​ശി ഐ​ശ്വ​ര്യ എ​സ്.​നാ​യ​ർ, പ​ത്ത​നം​തി​ട്ട സ്വ​ദേ​ശി ആ​ൽ​ഫ പി.​ജോ​ർ​ജ് എ​ന്നി​വ​ർ പ​ഠ​നാ​വ​ശ്യ​ത്തി​നാ​യി എ​റ​ണാ​കു​ള​ത്ത് പോ​യി മ​ട​ങ്ങു​മ്പോ​ഴാ​ണ് ബ​സി​ൽ ക​യ​റി​യ​ത്.

രാ​ത്രി ഒ​മ്പ​ത​ര​യോ​ടെ ബ​സ് പൊ​ങ്ങ​ത്തെ​ത്തി​യ​പ്പോ​ൾ ഇ​വി​ടെ ഇ​റ​ങ്ങ​ണ​മെ​ന്ന് കു​ട്ടി​ക​ൾ ആ​വ​ശ്യ​പ്പെ​ട്ടു.

എ​ന്നാ​ൽ ‍‍‍ഡ്രൈ​വ​റും ക​ണ്ട​ക്ട​റും അ​തി​ന് ത​യാ​റാ​കാ​തി​രു​ന്ന​തോ​ടെ കു​ട്ടി​ക​ൾ ക​ര​ച്ചി​ലാ​യി.

കു​ട്ടി​ക​ൾ​ക്ക് ബ​സ് നി​ർ​ത്തി ന​ൽ​ക​ണ​മെ​ന്ന് സ​ഹ​യാ​ത്രി​ക​രും ആ​വ​ശ്യ​പ്പെ​ട്ടി​ട്ടും ഫ​ല​മു​ണ്ടാ​യി​ല്ല.

ഇ​തോ​ടെ യാ​ത്ര​ക്കാ​ർ കൊ​ര​ട്ടി പോ​ലീ​സി​ൽ വി​വ​രം അ​റി​യി​ച്ചു. ഇ​തി​നി​ടെ മു​രി​ങ്ങൂ​ർ എ​ത്തി​യ​പ്പോ​ൾ ബ​സ് നി​ർ​ത്തി ന​ൽ​കാ​മെ​ന്നു ക​ണ്ട​ക്ട​ർ അ​റി​യി​ച്ചെ​ങ്കി​ലും അ​വി​ടെ ഇ​റ​ങ്ങി​യാ​ൽ തി​രി​കെ​പ്പോ​കാ​ൻ വ​ഴി അ​റി​യി​ല്ലെ​ന്ന് കു​ട്ടി​ക​ൾ പ​റ​ഞ്ഞു.

തു​ട​ർ​ന്ന് ഇ​വ​രെ ചാ​ല​ക്കു​ടി കെ​എ​സ്‌​ആ​ർ​ടി​സി ബ​സ് സ്‌​റ്റാ​ൻ​ഡി​ലാ​ണ് ഇ​റ​ക്കി​യ​ത്. രാ​ത്രി​യാ​ത്ര​ക്കാ​രാ​യ വി​ദ്യാ​ർ​ഥി​നി​ക​ളോ​ടു മാ​നു​ഷി​ക പ​രി​ഗ​ണ​ന കാ​ണി​ക്കാ​ത്ത​തി​ൽ യാ​ത്ര​ക്കാ​ർ പ്ര​തി​ഷേ​ധി​ച്ചു.