വയനാട്ടിലെ ഉരുള്‍പൊട്ടല്‍: ഹാരിസണ്‍ മലയാളം ഫാക്ടറിയിലെ 10 ജീവനക്കാരെ കാണാതായി എന്ന് സിഇഒ; വയനാട്ടിലെ ട്രീവാലി റിസോര്‍ട്ടില്‍ നാട്ടുകാരായ നൂറിലധികം പേര്‍ കുടുങ്ങിക്കിടക്കുന്നു; കാണാതായ ഡോക്ടർമാരിൽ ഒരാൾ ആശുപത്രിയിൽ

വയനാട്: വയനാട്ടിലെ ഉരുള്‍പൊട്ടലില്‍ ഹാരിസണ്‍ മലയാളം ഫാക്ടറിയിലെ 10 ജീവനക്കാരെ കാണാതായി എന്ന് സിഇഒഅറിയിച്ചു. വയനാട്ടിലെ ട്രീവാലി റിസോര്‍ട്ടില്‍ നാട്ടുകാരായ നൂറിലധികം പേര്‍ കുടുങ്ങിക്കിടക്കുന്നു. 

ഉരുള്‍പൊട്ടലില്‍ മരണം ഇതുവരെ 19 ആയി ഉയര്‍ന്നു. മരിച്ചവരില്‍ 3 കുട്ടികളും ഉള്‍പ്പെടുന്നു. രക്ഷാപ്രവര്‍ത്തനങ്ങള്‍ ഏകോപിപ്പിക്കാന്‍ മന്ത്രിമാര്‍ വയനാട്ടിലേക്ക് പോകും. മന്ത്രിമാരായ  കെ രാജന്‍, മുഹമ്മദ് റിയാസ് , ഒ ആര്‍ കേളു എന്നിവരാണ് വയനാട്ടിലേക്ക് പോകുന്നത്. 

ചൂരൽമലയിലെ ഹോംസ്റ്റേയിൽ നിന്നും കാണാതായ രണ്ട് ഡോക്ടര്‍മാരിൽ ഒരാളെ കണ്ടെത്തി.  പരിക്കുകളോടെ ഒരാളെ ആശുപത്രിയിലെത്തിച്ചു. ഒഡിഷ സ്വദേശികളാണ് അപകടത്തിൽപ്പെട്ട ഡോക്ടർമാരെന്നാണ് വിവരം.