എം എം മണിയുടെ ആരോ​ഗ്യനില തൃപ്തികരം. വെന്റിലേറ്ററിൽ നിന്ന് മാറ്റി. പിണറായി വിജയൻ ആശുപത്രിയിലെത്തി മണിയെ സന്ദർശിച്ചു

മധുര: ഹൃദയാഘാതത്തെ തുടർന്ന് ആശുപത്രിയിൽ പ്രവേശിപ്പിക്കപ്പെട്ട മുൻ മന്ത്രി എം എം മണിയുടെ ആരോ​ഗ്യനില തൃപ്തികരം. ഇതോടെ വെന്റിലേറ്റർ സഹായം നീക്കി. 

തീവ്രപരിചരണ വിഭാഗത്തിൽ കഴിയുന്ന മണിയെ ഇന്നോ നാളെയോ മുറിയിലേക്കു മാറ്റും. മുഖ്യമന്ത്രി പിണറായി വിജയൻ ആശുപത്രിയിലെത്തി മണിയെ സന്ദർശിച്ചു.

മധുരയില്‍ നടക്കുന്ന സിപിഎം പാര്‍ട്ടി കോണ്‍ഗ്രസിനിടെയാണ് ഇന്നലെ എംഎം മണിക്ക് ശ്വാസതടസ്സം അനുഭവപ്പെട്ടത്. ഉടന്‍ തന്നെ അപ്പോളോ ആശുപത്രിയില്‍ പ്രവേശിപ്പിക്കുകയയിരുന്നു. 

അസുഖ ബാധിതനായി വിശ്രമത്തിലായിരുന്ന എം എം മണി അവിടെ നിന്നാണ് മധുരയിലെ പാര്‍ട്ടി കോണ്‍ഗ്രസില്‍ പങ്കെടുക്കുന്നതിനായി എത്തിയത്.