മലപ്പുറത്ത് പത്രവിതരണത്തിനിടെ ഏജന്‍റിന്‍റെ ഇലക്ട്രിക് സ്കൂട്ടർ കത്തി നശിച്ചു

മലപ്പുറം: പത്രവിതരണത്തിന് പോകുന്നതിനിടെ ഏജന്റിന്റെ ഇലക്ട്രിക് സ്കൂട്ടർ കത്തിനശിച്ചു. മേൽമുറി വലിയാട്ടപ്പടി ഏജന്‍റ്​ മുഹമ്മദ്​ ഹനീഫയുടെ സ്​കൂട്ടറിനാണ് തീപിടിച്ചത്​.

ചൊവ്വാഴ്ച രാവിലെ ആറിന്​ കൊളായി റോഡിൽ  പോളി ടെക്​നികിന്​ സമീപമാണ്​ സംഭവം. പത്രവിതരണം നടത്തുന്ന നൗഫലാണ്​ വണ്ടി ഓടിച്ചിരുന്നത്​. ഓടുന്നതിനിടെ ശബ്​ദവും പുക ഉയരുന്നത്​ കണ്ട്​ നൗഫൽ വണ്ടി നിർത്തി ഇറങ്ങുകയായിരുന്നു. സ്കൂട്ടർ പൂർണമായും കത്തിനശിച്ചു.