മലപ്പുറത്ത് ആൾക്കൂട്ടത്തിനിടയിലേക്ക് വാഹനം ഇടിച്ചുകയറ്റി. ചോദ്യം ചെയ്ത കോൺഗ്രസ് നേതാവിന് വെട്ടേറ്റു

മലപ്പുറം: ചങ്ങരംകുളം ഉദിനുപറമ്പിൽ സംഘർഷത്തിൽ കോൺഗ്രസ് നേതാവിന് വെട്ടേറ്റു. കർഷക കോൺഗ്രസ് മണ്ഡലം പ്രസിഡന്റ് നടുവിലവളപ്പിൽ സുബൈർ (45)ന് ആണ് വെട്ടേറ്റത്.

സുബൈറിന് തലക്കാണ് വെട്ടേറ്റത്.  സംഘർഷം തടയാനെത്തിയ റാഫി(39) ,ലബീബ് (21) എന്നിവർക്കും പരുക്കേറ്റു. 

ആൾക്കൂട്ടത്തിനിടയിലേക്ക് വാഹനം ഇടിച്ചുകയറ്റിയത് ചോദ്യം ചെയ്തതാണ് സംഘർഷത്തിന് വഴിവെച്ചത്.

മാരകായുധങ്ങളുമായെത്തിയ സംഘമാണ് ആക്രമണം നടത്തിയത്. വടിവാൾ ഉപയോഗിച്ച് തലക്ക് വെട്ടിപ്പരുക്കേൽപ്പിക്കുകയായിരുന്നുവെന്ന് സുബൈർ പറയുന്നു.  

കേസുമായി ബന്ദപ്പെട്ട് മൂന്ന് പേരെ ചങ്ങരംകുളം പൊലീസ് കസ്റ്റഡിയിൽ എടുത്തു. ലഹരി സംഘം ആണ് ആക്രമണത്തിനു പിന്നിലെന്ന് സംശയം. കസ്റ്റഡിയിലെടുത്ത മൂന്നു പേരെ വിശദമായി ചോദ്യം ചെയ്തുവരികയാണെന്ന് പൊലീസ് അറിയിച്ചു.