സംസ്ഥാനത്തെ വേനൽ മഴ ശക്തമാകുന്നു. മലപ്പുറത്തും കോഴിക്കോടും മലയോര മേഖലകളിൽ കനത്ത കാറ്റ് വീശി

മലപ്പുറം: സംസ്ഥാനത്തെ വിവിധ ജില്ലകളിൽ വേനൽ മഴ ശക്തമാക്കുന്നു. വടക്കൻ കേരളത്തിലാണ് മഴ ശക്തമായിട്ടുള്ളത് എങ്കിലും ബാക്കി ജില്ലകളിലടക്കം നേരിയ മഴ ലഭിക്കുന്നുണ്ട്. 

മലപ്പുറം ജില്ലയുടെ നിലമ്പൂർ, കരുളായി, വാണിയമ്പലം, വണ്ടൂർ എന്നിവിടങ്ങളിലാണ് മഴ ശക്തമായി പെയ്തു.

ഇവിടങ്ങളിൽ പലയിടങ്ങളിലും മരങ്ങൾ കടപുഴകി വീണു. ചില സ്ഥലങ്ങളിൽ റോഡ് ഗതാഗതം തടസപ്പെട്ടു. മരങ്ങൾ വീണ് വാഹനങ്ങൾക്കും കേടുപാടുകൾ പറ്റിയിട്ടുണ്ട്.

മഴയിൽ നിലമ്പൂർ വല്ലപുഴയിൽ റോഡിനു കുറുകേ മരം കടപുഴകി വീണു. നിലമ്പൂർ -കരുളായി റോഡിൽ ഗതാഗതം മുടങ്ങി. 

നിലമ്പൂരിൽ മഴയിൽ ഗവൺമെന്‍റ് യു പി സ്കൂളിന്‍റെ മതിൽ തകർന്നുവീണു. നിർമ്മാണത്തിലിരുന്ന മതിലാണ് തകർന്നത്. 

മലപ്പുറത്തും കോഴിക്കോടും മലയോര മേഖലകളിൽ കനത്ത കാറ്റും അനുഭവപ്പെട്ടു. കോഴിക്കോട് കൂടരഞ്ഞി മേഖലയിലാണ് കനത്ത മഴയും കാറ്റും അനുഭവപ്പെടുന്നത്.

കൂടരഞ്ഞി കരിങ്കുറ്റിയിൽ തെങ്ങ്‌ കടപുഴകി വൈദ്യുതി പോസ്റ്റ് തകർന്നു. വൈദ്യുതി പോസ്റ്റ് വീണത്ത് അറിയാതെ എത്തിയ ഓട്ടോറിക്ഷ വെദ്യുതി പോസ്റ്റിൽ ഇടിച്ചു കയറിയത്. ആർക്കും പരിക്കില്ലെന്നാണ് വിവരം.