/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/hHHEPxoCzt9MGXOuWjU6.jpg)
കൊച്ചി: കൊച്ചി മെട്രോയുടെ പ്ലാറ്റ്‌ഫോം നമ്പര്‍ സഹിതമുള്ള വിശദമായ ടൈം ടേബിള്‍ ഗൂഗിള്‍ മാപ്പിലും 'വേര്‍ ഈസ് മൈ ട്രെയിന്‍' ആപ്പിലും ലഭ്യമാക്കി കെഎംആര്‍ എല്‍.
യാത്രചെയ്യാനുദ്ദേശിക്കുന്ന സമയത്തെ ട്രെയിന്‍ ഏതു സ്റ്റേഷനിലെത്തിയെന്നും നിര്‍ദിഷ്ട സ്റ്റേഷനില്‍ എപ്പോള്‍ എത്തുമെന്നുമൊക്കെയുള്ള ടൈംടേബിള്‍ പ്രകാരമുള്ള അപ്‌ഡേഷന്‍ വേര്‍ ഈസ് മൈ ട്രയിന്‍ ആപ്പിൽ ലഭ്യമാകും.
ഗൂഗിള്‍ മാപ്പിൽ യാത്രക്കാര്‍ നില്‍ക്കുന്ന സ്ഥലത്തു നിന്ന് സ്റ്റേഷനിലേക്കെത്താനുള്ള സമയം മുതല്‍ ടിക്കറ്റ് നിരക്ക് വരെ ലഭ്യമാകും.
ടൈംടേബിളും അപ്‌ഡേഷനും ലഭ്യമാകാന്‍ വേര്‍ ഈസ് മൈ ട്രെയിൻ ആപ്പിന്‍റെ അപ്‌ഡേറ്റഡ് വേര്‍ഷന്‍ ഡൗണ്‍ലോഡ് ചെയ്യുക. ആപ്പിന്‍റെ ഇടതുവശത്തെ മൂന്നുലൈനില്‍ ക്ലിക്ക് ചെയ്ത് അപ്‌ഡേറ്റ് ടൈംടേബിള്‍ നല്‍കുക.
അതിനുശേഷം ചെയ്ഞ്ച് സിറ്റിയില്‍ ക്ലിക്ക് ചെയ്ത് കൊച്ചി സെലക്ട് ചെയ്യുക. അപ്പോള്‍ പ്രധാന സ്‌ക്രീനില്‍ എക്‌സ്പ്രസ്, മെട്രോ എന്നീ ഓപ്ഷനുകള്‍ ലഭ്യമാകും.
ഇതില്‍ മെട്രോ സെലക്ട് ചെയ്തശേഷം പുറപ്പെടേണ്ടതും എത്തിച്ചേരേണ്ടതുമായ സ്റ്റേഷനുകള്‍ സെലക്ട് ചെയ്യുക. അതിനുശേഷം ഫൈന്‍ഡ് ട്രയിന്‍സില്‍ ക്ലിക്ക് ചെയ്യുക.
അപ്പോള്‍ ടൈംടേബിളില്‍ ഏറ്റവും അടുത്ത ട്രയിനിന്റെ സമയവും പ്ലാറ്റ്‌ഫോമും ലഭ്യമാകും. ഇതില്‍ ക്ലിക്ക് ചെയ്താല്‍ ടൈംടേബിള്‍ പ്രകാരമുള്ള ട്രയിനിന്റെ അപ്‌ഡേറ്റഡ് മൂവ്‌മെന്‍റ് കാണാം.