/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/ffO5RaS4c0mytFhK4Oe4.webp)
തിരുവനപുരം: പുതിയ കാലത്തിനൊപ്പം മുന്നേറാനുള്ള മാറ്റങ്ങള്‍ക്ക് കേരളം തുടക്കം കുറിക്കുകയാണെന്ന് ടൂറിസം വകുപ്പ് മന്ത്രി പിഎ മുഹമ്മദ് റിയാസ്. വെറുതെ കിടക്കുന്ന സ്ഥലങ്ങള്‍ വിനോദകേന്ദ്രങ്ങളാകുന്നു.
പാലങ്ങള്‍ക്കടിയില്‍ ഒഴിഞ്ഞുകിടക്കുന്ന സ്ഥലങ്ങള്‍ നവീകരിച്ച് നടപ്പാതകള്‍, കളിസ്ഥലങ്ങള്‍, വ്യായാമകേന്ദ്രങ്ങള്‍, ഫുഡ് കിയോസ്‌ക്കുകള്‍ തുടങ്ങിയ സൗകര്യങ്ങളുള്ള പാര്‍ക്കുകളായി മാറുന്നു.
ഇങ്ങനെ സാമൂഹിക വിരുദ്ധ പ്രവര്‍ത്തനങ്ങളുടെ കേന്ദ്രങ്ങളായിരുന്ന പല സ്ഥലങ്ങളും ഒത്തുകൂടുന്നതിനും ഉല്ലാസത്തിനുമുള്ള ഇടങ്ങളായി മാറുകയാണെന്നും മന്ത്രി ഫേസ്ബുക്കില്‍ കുറിച്ചു.
ഫേസ്ബുക്ക് പോസ്റ്റിന്റെ പൂര്‍ണരൂപം:
പുതിയ കാലത്തിനൊപ്പം മുന്നേറാനുള്ള മാറ്റങ്ങള്‍ക്ക് കേരളം തുടക്കം കുറിക്കുകയാണ്. പാലങ്ങള്‍ക്കടിയില്‍ ഒഴിഞ്ഞുകിടക്കുന്ന സ്ഥലങ്ങള്‍ നവീകരിച്ച് നടപ്പാതകള്‍, കളിസ്ഥലങ്ങള്‍, വ്യായാമകേന്ദ്രങ്ങള്‍, ഫുഡ് കിയോസ്‌ക്കുകള്‍ തുടങ്ങിയ സൗകര്യങ്ങളുള്ള പാര്‍ക്കുകളായി മാറുന്നു.
അങ്ങനെ സാമൂഹിക വിരുദ്ധ പ്രവര്‍ത്തനങ്ങളുടെ കേന്ദ്രങ്ങളായിരുന്ന പല സ്ഥലങ്ങളും ഒത്തുകൂടുന്നതിനും ഉല്ലാസത്തിനുമുള്ള ഇടങ്ങളായി മാറുകയാണ്. പൊതുമരാമത്ത് വകുപ്പും ടൂറിസം വകുപ്പും ചേര്‍ന്നാണ് ഈ നൂതന പദ്ധതി നടപ്പാക്കുന്നത്.
കൊല്ലം എസ്.എന്‍. കോളജിനു സമീപത്തെ മേല്‍പ്പാലത്തിന് താഴെയുള്ള സ്ഥലം നവീകരിച്ച് ഈ പദ്ധതിക്ക് നാളെ തുടക്കം കുറിക്കുകയാണ്. നമുക്കൊരുമിച്ച് നമ്മുടെ നാട്ടില്‍ നല്ല മാറ്റങ്ങളെ കൊണ്ടുവരാം.