മദ്യപിക്കാന്‍ പണം നല്‍കിയില്ല. കൊല്ലത്ത് മകന്‍ അമ്മയെ വെട്ടിപ്പരിക്കേല്‍പ്പിച്ചു, ഗുരുതര പരിക്ക്

കൊല്ലം: കൊല്ലത്ത് പെറ്റമ്മയോട് മകന്റെ ക്രൂരത. മദ്യപിക്കാന്‍ പണം നല്‍കിയില്ലെന്ന് പറഞ്ഞ് 52 കാരിയെ മകന്‍ വെട്ടിപ്പരിക്കേല്‍പ്പിക്കുകയായികൈക്കും മുഖത്തും ഗുരുതരമായി പരിക്കേറ്റ അമ്മ ചികിത്സയിലാണ്

പ്രതിയായ മനു മോഹന്‍ മദ്യപിച്ചെത്തി സ്ഥിരമായി അമ്മ കൃഷ്ണകുമാരിയെ മര്‍ദിക്കാറുണ്ടെന്നാണ് നാട്ടുകാര്‍ പറയുന്നത്

പോലീസ് എത്തിയാണ് പലപ്പോഴും പ്രശ്നം പരിഹരിക്കുന്നതെന്നും നാട്ടുകാര്‍ പറയുന്നു. 

കഴിഞ്ഞ ദിവസം മദ്യപിക്കാന്‍ പണം ചോദിച്ചപ്പോള്‍ കൃഷ്ണകുമാരി നല്‍കിയിരുന്നില്ല. ഇതിന് പിന്നാലെ വീട്ടില്‍ നിന്ന് പോയ മനുമോഹന്‍ മദ്യപിച്ചെത്തി കൃഷ്ണകുമാരിയെ ആക്രമിക്കുകയായിരുന്നു. 

ഗുരുതരമായി പരിക്കേറ്റ കൃഷ്ണകുമാരിയെ നാട്ടുകാരാണ് തൊട്ടടുത്ത ആശുപത്രിയില്‍ പ്രവേശിപ്പിച്ചത്. പിന്നീട് കൃഷ്ണകുമാരിയെ വണ്ടാനം മെഡിക്കല്‍ കോളേജ് ആശുപത്രിയിലേക്ക് മാറ്റി

 മനു മോഹനെതിരെ വധശ്രമത്തിനടക്കം പോലീസ് കേസ് രജിസ്റ്റര്‍ ചെയ്തിട്ടുണ്ട്.