നിലമ്പൂര്‍ തിരിച്ചുപിടിച്ച് യു.ഡി.എഫ്. 11,077 വോട്ടിന്റെ ഭൂരിപക്ഷത്തിൽ ആര്യാടൻ ഷൗക്കത്തിന് മിന്നും ജയം. ആശംസകൾ നേർന്ന് എം.സ്വരാജ്. ഭരണവിരുദ്ധ വികാരം അടയടിച്ചെന്ന് നേതാക്കൾ

മലപ്പുറം: നിലമ്പൂര്‍ ഉപതിരഞ്ഞെടുപ്പിൽ യു.ഡി.എഫ് സ്ഥാനാർഥി ആര്യാടൻ ഷൗക്കത്തിന് മിന്നുന്ന വിജയം. 11,077 വോട്ടിനാണ് ഷൗക്കത്ത് യു.ഡി.എഫിനുവേണ്ടി മണ്ഡലം തിരിച്ചുപിടിച്ചത്. 

ആര്യാടൻ ഷൗക്കത്ത് (യുഡിഎഫ്) – 76,493 എം.സ്വരാജ് (എൽഡിഎഫ്) – 65,061 പി.വി.അൻവർ (സ്വതന്ത്രൻ) – 19,946 മോഹൻ ജോർജ് (എൻഡിഎ) – 8,706 എന്നിങ്ങനെയാണ് വോട്ട് നില. 

മുത്തേടം, വഴിക്കടവ്, എടക്കര, പോത്തുകല്ല്, ചുങ്കത്തറ പഞ്ചായത്തുകളിൽ യുഡിഎഫിന് ലീഡ് ലഭിച്ചു. ഡിസിസി പ്രസിഡന്റ് വി.എസ്. ജോയിയുടെ പഞ്ചായത്തായ പോത്തുകല്ലിൽ ഇടയ്ക്ക് സ്വരാജ് ലീഡ് ചെയ്തെങ്കിലും അവസാനം യുഡിഎഫ് പിടിച്ചു. 

എം.സ്വരാജിന്റെ സ്വന്തം പഞ്ചായത്തായ പോത്തുകല്ലിൽ യുഡിഎഫിനു 800 വോട്ട് ലീഡ്. കഴിഞ്ഞ തവണ 506 വോട്ടിനു എൽഡിഎഫ് ലീഡ് ചെയ്തിരുന്നു. പഞ്ചായത്ത് ഭരിക്കുന്നതും എൽഡിഎഫാണ്. വഴിക്കടവിൽ മാത്രമാണ് പ്രതീക്ഷിച്ച വോട്ടുകൾ യുഡിഎഫിന് ലഭിക്കാത്തത്.