എന്‍.എസ്.എസ്. പ്രതിനിധിസഭാ തെരഞ്ഞെടുപ്പില്‍ ഔദ്യോഗിക പക്ഷത്തിനു വലിയ വിജയം. 118 പ്രതിനിധിസഭാ മെമ്പര്‍മാരുടെ ഒഴിവുകളാണ് ഉണ്ടായിരുന്നത്. 110 പേരെ നേരത്തെതന്നെ എതിരില്ലാതെ തെരഞ്ഞെടുത്തിരുന്നു. മത്സരം നടന്ന എട്ടു സീറ്റുകളിലും ഔദ്യോഗികപക്ഷത്തെ പിന്തുണയ്ക്കുന്നവര്‍ വിജയിച്ചു.

ചങ്ങനാശേരി: എന്‍.എസ്.എസ്. പ്രതിനിധിസഭാ തെരഞ്ഞെടുപ്പില്‍ ഔദ്യോഗികപക്ഷത്തിന് വലിയ വിജയം .എന്‍.എസ്.എസ്. പ്രതിനിധിസഭയിലേക്ക് ഈ വര്‍ഷം 118 പ്രതിനിധിസഭാ മെമ്പര്‍മാരുടെ ഒഴിവുകളാണ് ഉണ്ടായിരുന്നത്.

 അവരില്‍ 110 പേരെ നേരത്തെതന്നെ എതിരില്ലാതെ തെരഞ്ഞെടുത്തിരുന്നു.

കൊല്ലം, അമ്പലപ്പുഴ, മുകുന്ദപുരം എന്നീ മൂന്നു താലൂക്കു യൂണിയനുകളില്‍ നിന്നായി രഹസ്യബാലറ്റിലൂടെ 8 പേരെ കൂടി ഇന്നലെ തെരഞ്ഞെടുത്തു. 

എട്ട് ഒഴിവുകളിലേക്ക് 16 സ്ഥാനാര്‍ഥികളാണു മത്സരരംഗത്തുണ്ടായിരുന്നത്. തെരഞ്ഞെടുക്കപ്പെട്ട 118 പേരും ഔദ്യോഗികപക്ഷത്തെ പിന്തുണയ്ക്കുന്നവരാണ് എന്നതാണ് ഇത്തവണത്തെ പ്രത്യേകത.