ശാരീരികാധ്വാനം ഒട്ടും ആവശ്യമില്ലാത്ത പ്രവൃത്തികളിലാണ് കുട്ടികൾക്ക് താൽപര്യം. ഓടിയും ചാടിയും ശരീരം അനങ്ങിയുമുള്ള കളികളും പ്രവൃത്തികളും തീരെ ഇല്ലാതാവുന്നത് പൊണ്ണത്തടിയിലേക്കും മറ്റ് ആരോഗ്യപ്രശ്നങ്ങളിലേക്കും നയിക്കും. മിക്ക രക്ഷിതാക്കള്ക്കും ആരോഗ്യകരമായ ഭക്ഷണക്രമത്തിന്റെയും ശാരീരികാധ്വാനത്തിന്റെയും അനിവാര്യതയെക്കുറിച്ച് പരിമിതമായ അറിവുമാത്രമേയുള്ളൂ.
പൊണ്ണത്തടി കുട്ടികളിലുണ്ടാക്കുന്ന ആരോഗ്യപ്രശ്നങ്ങളെക്കുറിച്ചുള്ള അറിവില്ലായ്മ. കുടുംബത്തിലെ എല്ലാവര്ക്കും ആസ്വദിക്കാവുന്ന തരത്തിലുള്ള രസകരമായ ഔട്ട് ഡോര് ആക്ടിവിറ്റികള് പ്ലാന്ചെയ്യുക. അതോടൊപ്പം പ്രകൃതിയെ കൂടുതല് മനസ്സിലാക്കാനും കായിക മത്സരങ്ങളിലോ ശാരീരിക ക്ഷമത വളര്ത്തുന്ന മറ്റ് കൂട്ടായ പ്രവൃത്തികളിലോ പങ്കാളിയാകാന് അവധിക്കാലം വിനിയോഗിക്കാം.
പഴങ്ങള്, പച്ചക്കറികള്, മൊത്തധാന്യങ്ങള്, പാലുൽപന്നങ്ങള്, ലീന് പ്രോട്ടീന് തുടങ്ങിയവ ഉള്പ്പെട്ട ഭക്ഷണം കുട്ടികള്ക്ക് നൽകാന് ശ്രദ്ധിക്കുക. അമിതമായി പഞ്ചസാര അടങ്ങിയ സ്നാക്കുകള്, ഫ്രൈഡ് ഫുഡ്സ്, കാര്ബണേറ്റഡ് സോഫ്റ്റ് ഡ്രിങ്ക്സ് തുടങ്ങിയവയുടെ ഉപഭോഗം പരമാവധി കുറക്കണം. ഭക്ഷണം ഉണ്ടാക്കുമ്പോള് കുട്ടികളെയും അതില് പങ്കാളികളാക്കുകയും ആരോഗ്യകരമായ ഭക്ഷണരീതികള് എല്ലാവര്ക്കുമായി തിരഞ്ഞെടുക്കുകയുമാകാം.
കഴിക്കുന്ന ഭക്ഷണത്തിന്റെ അളവിനെക്കുറിച്ച് എപ്പോഴും ബോധ്യമുണ്ടാകണം. പ്രത്യേകിച്ച് വിരുന്നുകളിലും മറ്റ് ആഘോഷവേളകളിലും ഭക്ഷണം കഴിക്കുമ്പോള് ഉയര്ന്ന കാലറിയുള്ള ഭക്ഷണപദാർഥങ്ങളും ഡെസേര്ട്ടുകളും ഒഴിവാക്കാം. ശരീരത്തിന്റെ വിശപ്പും, വിശപ്പടങ്ങലും കൃത്യമായി മനസ്സിലാക്കാന് കുട്ടികളെ പ്രോത്സാഹിപ്പിക്കാം. ധാരാളം വെള്ളം കുടിക്കാന് കുട്ടികളെ പ്രോത്സാഹിപ്പിക്കാം. പ്രത്യേകിച്ച് ശാരീരികാധ്വാനത്തിലോ ഔട്ട്ഡോര് ആക്ടിവിറ്റികളിലോ ഏര്പ്പെടുന്ന സമയങ്ങളില്.