ഭാരത് ഭവനിൽ പി. ജെ ആന്റണി ജന്മശതാബ്ദി ആഘോഷം

മലയാള നാടക - ചലച്ചിത്രരംഗത്തെ  അതുല്യ പ്രതിഭ പി. ജെ ആന്റണിയുടെ ജന്മശതാബ്ദി ആഘോഷങ്ങൾ ഇന്നും നാളെയുമായി (2025 ഒക്ടോബർ 11,12)  സാംസ്‌കാരിക വിനിമയ കേന്ദ്രമായ ഭാരത് ഭവനിൽ  നടക്കും. രാവിലെ 10 മണിക്ക് കെ. പി രാമനുണ്ണിയുടെ  അധ്യക്ഷതയിൽ നടക്കുന്ന ചടങ്ങ് ചലച്ചിത്ര സംവിധായകൻ കെ. പി കുമാരൻ ഉദ്‌ഘാടനം ചെയ്യും. ചലച്ചിത്ര സംവിധയകനും എഴുത്തുകാരനുമായ മധുപാൽ മുഖ്യ പ്രഭാഷണവും, ഭാരത് ഭവൻ മെമ്പർ സെക്രട്ടറിയും നാടക ചലച്ചിത്ര സംവിധായകനുമായ ഡോ.പ്രമോദ് പയ്യന്നൂർ, നാട്യഗൃഹം പ്രസിഡന്റ പി. വി ശിവൻ എന്നിവർ സ്മൃതി  ഭാഷണവും നിർവ്വഹിക്കും.

ചടങ്ങിന് കേരള സാഹിത്യ അക്കാദമി സെക്രട്ടറി കെ.ശ്രീനിവാസ റാവു സ്വാഗതവും, നാട്യഗൃഹം ചെയർമാൻ എം.വി ഗോപകുമാർ കൃതഞ്ജതയും രേഖപ്പടുത്തും. തുടർന്ന്  രാവുണ്ണിയുടെ അധ്യക്ഷതയിൽ  ‘പി. ജെ ആന്റണിയുടെ എഴുത്ത് / നാടക ലോകം’ എന്ന വിഷയത്തിൽ  നടക്കുന്ന സെമിനാറിൽ ടി.എം. എബ്രഹാം, ഷംഷാദ് ഹുസൈൻ എന്നിവർ പ്രബന്ധം അവതരിപ്പിക്കും. ഉച്ചക്ക് ശേഷം പോൾ മണലിന്റെ അധ്യക്ഷതയിൽ നടക്കുന്ന സെമിനാറിന്റെ തുടർച്ചയിൽ   ഡോ.രാജാ വാര്യർ, അജു കെ നാരായണൻ എന്നിവരും പ്രബന്ധം അവതരിപ്പിക്കും.

ഒക്ടോബർ 12 ഞായറാഴ്ച രാവിലെ 10 മണി മുതൽ 11.30 വരെ ‘പി ജെ ആന്റണിയുടെ എഴുത്ത് /  ചലച്ചിത്ര ലോകം’  എന്ന വിഷത്തിൽ വിജയകൃഷ്‌ണന്റെ അധ്യക്ഷതയിൽ നടക്കുന്ന സെമിനാറിൽ ശ്രീജ ആറങ്ങോട്ടുകര, ഹരി ചങ്ങമ്പുഴ എന്നിവരും 12 മണി മുതൽ 1.30 വരെ ഇതേ വിഷയത്തിൽ എ. വി പവിത്രന്റെ അധ്യക്ഷതയിൽ നടക്കുന്ന സെമിനാറിൽ സന്തോഷ് വള്ളിക്കാവ്, പത്മനാഭൻ കാവുമ്പായി എന്നിവർ പ്രബന്ധം അവതരിപ്പിക്കും.

ഉച്ചക്ക് ശേഷം ‘പി ജെ ആന്റണി - വ്യക്തി , എഴുത്ത് , കലാപ്രവർത്തനം’  എന്ന വിഷയത്തിൽ പി. സോമന്റെ അധ്യക്ഷതയിൽ നടക്കുന്ന സെമിനാറിൽ ഷാജു പുതൂർ, ജേക്കബ് എബ്രഹാം എന്നിവർ പ്രബന്ധം അവതരിപ്പിക്കും.

വൈകുന്നേരം 4 മണിക്ക് സാബു കോട്ടുക്കലിന്റെ അധ്യക്ഷതയിൽ നടക്കുന്ന സമാപന സമ്മേളനത്തിൽ പ്രൊഫ.അലിയാർ സമാപന പ്രഭാഷണവും, ഗീത രംഗപ്രഭാത്, വിജു വർമ്മ, സുധിദേവയാനി, നിരീക്ഷ എന്നിവർ ആശംസാ പ്രഭാഷണവും, ശ്രീകല പ്രസാദ് കൃതതജ്ഞതയും രേഖപ്പെടുത്തും. തുടർന്ന് പി. ജെ ആന്റണി രചന നിർവ്വഹിച്ച ‘ചക്രായുധം’  നാടകത്തിന്റെ അവതരണവും നടക്കും.

 കേരള സാഹിത്യ അക്കാദമി, ഭാരത് ഭവൻ, നാട്യഗൃഹം എന്നിവയുടെ സംയുക്ത സഹകരണത്തിൽ ഒരുക്കുന്ന പി. ജെ ആന്റണി ജന്മശതാബ്ദി ആഘോഷങ്ങളിലേക്കുള്ള പ്രവേശനം സൗജന്യമാണ്.