ഒറ്റപ്പാലത്ത് നിയന്ത്രണം വിട്ട കാർ ഓട്ടോറിക്ഷയിലും ബൈക്കിലും ഇടിച്ചു; കാർ യാത്രികന് പരിക്ക്

പാലക്കാട്: നിയന്ത്രണം വിട്ട കാർ നിർത്തിയിട്ട ഓട്ടോറിക്ഷയിലും ബൈക്കിലും ഇടിച്ച് അപകടം. കാർ ഓടിച്ചിരുന്ന വളാഞ്ചേരി സ്വദേശി രാജീവ് ശങ്കറിന് പരിക്കേറ്റു. 

പാലക്കാട് - കുളപ്പുള്ളി പാതയിൽ ലക്കിടി പെട്രോൾ പമ്പിന് സമീപം ഉച്ചക്ക് 1.10യോടെ ആയിരുന്നു അപകടം. പത്തിരിപ്പാല ഭാഗത്തേക്ക് പോകുകയായിരുന്നു കാർ. ഇടിയുടെ ആഘാതത്തിൽ സമീപത്തെ പെട്ടിക്കടയിൽ ഇടിച്ചാണ് കാർ നിന്നത്. കാർ യാത്രികനെ ലക്കിടി കൂട്ടുപാതയിലെ സ്വകാര്യ ക്ലിനിക്കിൽ പ്രവേശിപ്പിച്ചു.