പാലാ : പാലാ അമലോത്ഭവ ജൂബിലി തിരുനാള്‍ ഡിസംബര്‍ ഒന്നു മുതല്‍ ഒന്‍പത് വരെ ആചരിക്കുന്നു. ഏഴിന് രാവിലെ 7.30 ന് അമലോത്ഭവ മാതാവിന്റെ തിരുസ്വരൂപം പന്തലില്‍ പ്രതിഷ്ഠിക്കും.
പ്രധാന തിരുനാള്‍ ദിനമായ എട്ടിന് 10 മണിക്ക് പാലാ രൂപതാദ്ധ്യക്ഷന്‍ മാര്‍ ജോസഫ് കല്ലറങ്ങാട്ടിന്റെ കാര്‍മ്മികത്വത്തില്‍ തിരുനാള്‍ വിശുദ്ധ കുര്‍ബാന അര്‍പ്പിക്കും.
പാലാ കത്തീഡല്‍, ളാലം പഴയപള്ളി, ളാലം പൂത്തന്‍പള്ളി ഇടവകകളുടെ ആഭിമുഖ്യത്തില്‍ പാലാ ടൗണ്‍ കുരിശുപള്ളിയില്‍ പരിശുദ്ധ അലോത്ഭവ മാതാവിന്റെ തിരുനാള്‍ ഡിസംബര്‍ 1 മുതല്‍ 9 വരെ തീയതികളില്‍ ആഘോഷമായി നടത്തപ്പെടുന്നു.
ഭക്തിനിര്‍ഭരമായ തിരുക്കര്‍മ്മങ്ങള്‍, ബൈബിള്‍ പ്രഭാഷണങ്ങള്‍, തിരുന്നാള്‍ പ്രദക്ഷിണങ്ങള്‍, മരിയന്‍ റാലി, ജൂബിലി സാംസ്‌കാരിക ഘോഷയാത്ര, ടൂവീലര്‍ ഫാന്‍സിഡ്രസ്സ് മത്സരം, ബൈബിള്‍ ടാബ്ലോ മത്സരം, ദീപാലങ്കാരങ്ങള്‍, നാടകമേള, നയനമനോഹരമായ വീഥി അലങ്കാരങ്ങള്‍, ശ്രുതിമധുരമായ വാദ്യമേളങ്ങള്‍ എന്നിവ പെരുന്നാളിനോട് അനുബന്ധിച്ചു ഉണ്ടാവും.
ഒന്നാം തീയതി വൈകിട്ട് 5.15 നുള്ള വിശുദ്ധ കുര്‍ബാനയ്ക്ക് ശേഷം ളാലം പള്ളിയില്‍ നിന്നും വാദ്യമേളങ്ങളോടെ തിരുനാള്‍ പതാക പ്രദക്ഷിണമായി കുരിശുപള്ളിയില്‍ എത്തിച്ച് കൊടിയേറ്റ് കര്‍മ്മം നടത്തും. തുടര്‍ന്ന് ലദീഞ്ഞ്. അതിന് ശേഷം 7 മണിക്ക് ടൗണ്‍ ഹാളില്‍ വച്ച് സി.വൈ.എം.എല്‍ നാടക മേളയുടെ ഉദ്ഘാടനവും തുടര്‍ന്ന് നാടകവും ഉണ്ടാകും. ഏഴാം തീയതി വരെ എല്ലാ ദിവസവും രാവിലെ 5.30 ന് വിശുദ്ധ കുര്‍ബാനയും ലദീഞ്ഞും വൈകിട്ട് 5.30 ന് ജപമാലയും വിശുദ്ധ കുര്‍ബാനയും ലദീഞ്ഞും ഉണ്ടായിരിക്കും.
ഏഴാം തീയതി രാവിലെ 7.30 ന് അമലോത്ഭവ മാതാവിന്റെ തിരുസ്വരൂപം പന്തലില്‍ പ്രതിഷ്ഠിക്കും. 8 ന് പാലാ സെന്റ് മേരീസ് സ്‌കൂളിലെ കുട്ടികള്‍ നടത്തുന്ന മരിയന്‍ റാലി ഉച്ചകഴിഞ്ഞ് 2.00 ന് ജൂബിലി സാംസ്‌കാരിക ഘോഷയാത്ര, ടൂവീലര്‍ ഫാന്‍സിഡ്രസ്സ് മത്സരം, ബൈബിള്‍ ടാബ്ലോ മത്സരം എന്നിവ നടക്കുള്ള മണിക്ക് കത്തീഡ്രല്‍ പള്ളി ഉാലം പുത്തന്‍ പള്ളി എന്നിവിടങ്ങളില്‍ നടക്കുന്ന വിശുദ്ധ കുര്‍ബാനയ്ക്ക് ശേഷം ആഘോഷമായ പ്രദക്ഷിണം കൊട്ടാരമറ്റം ജംഗ്ഷനില്‍ എത്തിച്ചേര്‍ന്ന് ടൗണ്‍ കുരിശ്ശുപള്ളിയിലേയ്ക്ക് നടക്കും.
പ്രധാന തിരുനാള്‍ ദിനമായ എട്ടാം തീയതി രാവിലെ 6.30 ന് വിശുദ്ധ കുര്‍ബാന. 9.15 ന് പ്രസുദേന്തി വാഴ്ച നടത്തും. 10 മണിക്ക് പാലാ രൂപതാദ്ധ്യക്ഷന്‍ മാര്‍ ജോസഫ് കല്ലറങ്ങാട്ടിന്റെ കാര്‍മ്മികത്വത്തില്‍ തിരുനാള്‍ വിശുദ്ധ കുര്‍ബാന അര്‍പ്പിക്കും.
വൈകിട്ട് 4 മണിക്ക് പട്ടണം ചുറ്റിയുള്ള ആഘോഷമായ തിരുനാള്‍ പ്രദക്ഷിണം ആരംഭിക്കും. 8.45 ന് വിശുദ്ധ കുര്‍ബാനയുടെ ആശിര്‍വാദവും സമ്മാനദാനവും നടക്കും
ഒന്‍പതാം തീയതി രാവിലെ 11.15 ന് മാതാവിന്റെ തിരുസ്വരൂപം കുരിശുപള്ളിയില്‍ പുനപ്രതിഷ്ഠിക്കുന്നതോടെ തിരുനാളിന് സമാപനമാവും.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/11/19/QKsh8Qyu3x4fkvXu6mYV.jpg)