പാലക്കാട് കുമരനല്ലൂരില്‍ സ്‌കൂള്‍ വിദ്യാര്‍ത്ഥികളുമായി സഞ്ചരിച്ച ഓട്ടോറിക്ഷ തലകീഴായി മറിഞ്ഞ് അപകടം

പാലക്കാട്: കുമരനല്ലൂരില്‍ സ്‌കൂള്‍ വിദ്യാര്‍ത്ഥികളുമായി സഞ്ചരിച്ച ഓട്ടോറിക്ഷ തലകീഴായി മറിഞ്ഞ് അപകടം. കുമരനല്ലൂര്‍ ജിഎല്‍പി സ്‌കൂളിലെ വിദ്യാര്‍ത്ഥികളാണ് അപകടത്തില്‍പെട്ടത്. ഇന്ന് വൈകീട്ട് കപ്പൂര്‍ കുമരനെല്ലൂരിലാണ് അപകടമുണ്ടായത്. 

കുമരനല്ലൂര്‍ വേഴൂര്‍ക്കുന്ന് കയറ്റത്ത് വെച്ച്  ഓട്ടോ മറിയുകയായിരുന്നു. ഉടന്‍ തന്നെ നാട്ടുകാര്‍ ഓടിക്കൂടി ഓട്ടോറിക്ഷ പൊക്കി മാറ്റിയാണ് കുട്ടികളെ പുറത്തെടുത്തത്.

 ഡ്രൈവര്‍ വെള്ളാളൂര്‍ സ്വദേശി സുരേഷും 7 കുട്ടികളുമാണ് ഓട്ടോറിക്ഷയില്‍ ഉണ്ടായിരുന്നത്. ഇവരെ എടപ്പാളിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്.