തൃശൂര്: കുട്ടനെല്ലൂരില് യുവതിയുടെ വീട്ടിലെത്തി വീടിന്റെ ചില്ലുകള് എറിഞ്ഞുടച്ച ശേഷം 23കാരന് സിറ്റൗട്ടില് കയറി പെട്രോള് ദേഹത്ത് ഒഴിച്ച് തീ കൊളുത്തി മരിച്ചു. കണ്ണാറ സ്വദേശി അര്ജുന് ലാലാണ് (23) മരിച്ചത്. ചൊവ്വാഴ്ച രാത്രിയായിരുന്നു സംഭവം.
മരിച്ച അര്ജുന് ലാലും യുവതിയും തമ്മില് പരിചയമുണ്ടായിരുന്നുവെന്നാണ് അര്ജുന്റെ സുഹൃത്തുക്കള് പറയുന്നത്. എന്നാല് ഒരു വര്ഷത്തോളും ഇരുവരും അകല്ച്ചയിലായിരുന്നു
കഴിഞ്ഞ ദിവസം അര്ജുന് യുവതിയുടെ ചിത്രം സോഷ്യല് മീഡിയയില് പങ്കുവെച്ചിരുന്നു. ഇതോടെ യുവതിയും വീട്ടുകാരും യുവാവിനെ വിളിച്ച് ചിത്രം നീക്കം ചെയ്യാന് ആവശ്യപ്പെട്ടു.
എന്നാല് ചിത്രം നീക്കം ചെയ്യില്ലെന്നും വീട്ടിലെത്തി ആത്മഹത്യ ചെയ്യുമെന്നും പറഞ്ഞ് അര്ജുന് യുവതിയെ ഭീഷണിപ്പെടുത്തുകയായിരുന്നു.