പാലാ മുത്തോലിയിൽ റിട്ടയേർഡ് എസ്.ഐയെ ലോഡ്‌ജിൽ മരിച്ച നിലയിൽ കണ്ടെത്തി. മൃതദേഹം നിലത്ത് കിടക്കുന്ന നിലയിൽ. വീട്ടുകാരുമായി പിണങ്ങി ഒരു വർഷത്തോളമായി ലോഡ്‌ജിൽ താമസിച്ചുവരികയായിരുന്നു

പാലാ: മുത്തോലിയിൽ റിട്ടയേർഡ് എസ്ഐയെ ലോഡ്‌ജിൽ മരിച്ച നിലയിൽ കണ്ടെത്തി. പുലിയന്നൂർ സ്വദേശി തെക്കേൽ ടി.ജി സുരേന്ദ്രനെ  (61)യാണ് മുത്തോലി കവലയ്ക്ക് സമീപമുള്ള ലോഡ്‌ജിൽ മരിച്ച നിലയിൽ കണ്ടെത്തിയത്.

സർവീസിൽ നിന്ന് റിട്ടയർ ചെയ്തതിന് ശേഷം ഇയാൾ കടപ്പാട്ടൂരിലെ പെട്രോൾ പമ്പിൽ ജോലി ചെയ‌് വരികയായിരുന്നു. വീട്ടുകാരുമായി പിണങ്ങി  ഒരു വർഷത്തോളമായി ലോഡ്‌ജിലായിരുന്നു താമസം.

കഴിഞ്ഞ രണ്ടു ദിവസമായി പമ്പിലെത്താതിരുന്നതിനെ തുടർന്ന് ഇന്ന് അന്വേഷിച്ചെത്തിയപ്പോഴാണ് മരണവിവരമറിഞ്ഞത്. നിലത്ത് കിടക്കുന്ന നിലയിലാണ് മൃതദേഹം കണ്ടെത്തിയത്.

മരണകാരണം വ്യക്തമായിട്ടില്ല. പാലാ പോലീസ് സ്ഥലത്തെത്തി മേൽനടപടികൾ ആരംഭിച്ചു.