ആലപ്പുഴ ബീച്ചില്‍ അനധികൃത കട. കട കേന്ദ്രീകരിച്ച് മദ്യം, മയക്കുമരുന്ന് സംഘത്തിന്റെ പ്രവര്‍ത്തനം. നാട്ടുകാരുടെ പരാതിയെത്തുടര്‍ന്ന് പൊലീസ് കട പൊളിച്ചുനീക്കി

ആലപ്പുഴ: ആലപ്പുഴ ബീച്ചില്‍ അനധികൃതമായി സ്ഥാപിച്ച കട പോലിസ് പൊളിച്ചുനീക്കി. നാട്ടുകാരുടെ പരാതിയെ തുടര്‍ന്നാണ് നടപടി. താത്കാലികമായി നിര്‍മ്മിച്ച കട കേന്ദ്രീകരിച്ച് മദ്യം, മയക്കുമരുന്ന് സംഘത്തിന്റെ പ്രവര്‍ത്തനം വ്യാപകമാണെന്ന് നാട്ടുകാര്‍. രണ്ട് യുവാക്കളെ കഴിഞ്ഞ ദിവസം ഈ കടയുടെ പരിസരത്തുനിന്ന് കഞ്ചാവുമായി പിടികൂടിയിരുന്നു.

ആലപ്പുഴ ഡിവൈഎസ്പി മധുബാബുവിന്റെ നേതൃത്വത്തിലുള്ള പോലീസ് സംഘമാണ് അനധികൃതമായി ആലപ്പുഴ ബീച്ചില്‍ സ്ഥാപിച്ച കട പൊളിച്ചു നീക്കിയത്. ചായയും ചെറു കടികളും വില്പന നടത്തിയിരുന്ന കട സജീര്‍ എന്ന വ്യക്തിയുടേതാണ്. 

ഇവിടം കേന്ദ്രീകരിച്ച് മദ്യ - മയക്കുമരുന്ന് സംഘത്തിന്റെ പ്രവര്‍ത്തനം വ്യാപകമാണെന്നാണ് പരാതി. മത്സ്യത്തൊഴിലാളികളും പ്രദേശവാസികളും ചേര്‍ന്നാണ് പരാതി നല്‍കിയത്. തുടര്‍ന്ന് ജില്ലാ ടൂറിസം ഡിപ്പാര്‍ട്‌മെന്റ് നോട്ടീസ് നല്‍കിയിട്ടും കടയുടെ പ്രവര്‍ത്തനം തുടര്‍ന്നു.