വയനാട്ടിൽ അപകടത്തിൽപ്പെട്ട പോ​ലീ​സ് ജീ​പ്പ് കാലപ്പഴക്കം ചെന്നത്. ട​യ​റും തേ​ഞ്ഞു​തീ​ര്‍​ന്ന നി​ല​യി​ൽ. വഴിയാത്രക്കാരന്റെ ജീവനെടുത്ത സംഭവത്തിൽ വൻ പ്രതിഷേധവുമായി നാട്ടുകാർ

മാ​ന​ന്ത​വാ​ടി: വ​യ​നാ​ട് മാ​ന​ന്ത​വാ​ടി​യി​ൽ പോ​ലീ​സ് ജീ​പ്പ് മ​റി​ഞ്ഞ് ഒ​രാ​ൾ മ​രി​ച്ച സം​ഭ​വ​ത്തി​ൽ പ്ര​തി​ഷേ​ധ​വു​മാ​യി നാ​ട്ടു​കാ​ർ. അ​പ​ക​ട​കാ​ര​ണം അ​റി​യാ​തെ​യും വ​ഴി​യോ​ര ക​ച്ച​വ​ട​ക്കാ​ര​ന്‍റെ മ​ര​ണ​ത്തി​ലും തീ​രു​മാ​ന​മാ​കാ​തെ വാ​ഹ​നം നീ​ക്കം ചെ​യ്യാ​ൻ അ​നു​വ​ദി​ക്കി​ല്ലെ​ന്ന് നാ​ട്ടു​കാ​ർ അ​റി​യി​ച്ചു.

ജീ​പ്പി​ന്‍റെ കാ​ല​പ്പ​ഴ​ക്ക​വും ട​യ​റു​ക​ള്‍ തേ​ഞ്ഞു​തീ​ര്‍​ന്ന​തു​മാ​ണ് അ​പ​ക​ട​ത്തി​ന് കാ​ര​ണ​മെ​ന്ന് നാ​ട്ടു​കാ​ർ പ​റ​യു​ന്നു. പോ​ലീ​സ് വാ​ഹ​നം സ്ഥ​ല​ത്ത് നി​ന്ന് മാ​റ്റാ​ൻ ക്രെ​യി​ൻ എ​ത്തി​ച്ചെ​ങ്കി​ലും നാ​ട്ടു​കാ​ര്‍ ത​ട​ഞ്ഞു.

ആ​ര്‍​ഡി​ഒ വ​രാ​തെ വാ​ഹ​നം എ​ടു​ക്കാ​ൻ അ​നു​വ​ദി​ക്കി​ല്ലെ​ന്നാ​ണ് നാ​ട്ടു​കാ​രു​ടെ നി​ല​പാ​ട്. ആ​ര്‍​ടി​ഒ സ്ഥ​ല​ത്തെ​ത്തി​യെ​ങ്കി​ലും നി​ല​വി​ൽ വാ​ഹ​നം ത​ല​കീ​ഴാ​യാ​ണ് കി​ട​ക്കു​ന്ന​തെ​ന്നും ഈ ​രീ​തി​യി​ൽ പ​രി​ശോ​ധ​ന ന​ട​ത്താ​നാ​കി​ല്ലെ​ന്നു​മാ​ണ് വ്യ​ക്ത​മാ​ക്കി​യ​ത്.

മാ​ന​ന്ത​വാ​ടി വ​ള്ളി​യൂ​ര്‍​ക്കാ​വി​ല്‍ ആ​ണ് അ​മ്പ​ല​വ​യ​ല്‍ പോ​ലീ​സ് ജീ​പ്പ് അ​പ​ക​ട​ത്തി​ല്‍​പ്പെ​ട്ട് ഒ​രാ​ള്‍ മ​രി​ച്ച​ത്. വ​ഴി​യോ​ര ക​ച്ച​വ​ട​ക്കാ​ര​നാ​യ ശ്രീ​ധ​ര​നാ​ണ് മ​രി​ച്ച​ത്. അ​പ​ക​ട​ത്തി​ല്‍ നാ​ല് പേ​ര്‍​ക്ക് പ​രി​ക്കു​ണ്ട്.

ത​ല​ശേ​രി മാ​ഹി സ്വ​ദേ​ശി പ്ര​ബീ​ഷ്, പോ​ലീ​സ് ഉ​ദ്യോ​ഗ​സ്ഥ​രാ​യ കെ.​ബി.​പ്ര​ശാ​ന്ത്, ജോ​ളി സാ​മൂ​വ​ല്‍, വി.​കൃ​ഷ്ണ​ന്‍ എ​ന്നി​വ​ര്‍​ക്കാ​ണ് പ​രി​ക്കേ​റ്റ​ത്. വൈ​കു​ന്നേ​രം മൂ​ന്നോ​ടെ​യാ​ണ് അ​പ​ക​ടം.