ഭരണഘടനാ സ്ഥാപനമായ പിഎസ്‌സിയില്‍ നിയമപരമായി ശമ്പളം കൊടുക്കേണ്ടതാണ്. പ്രിന്‍സിപ്പല്‍ ഡിസ്ട്രിക്റ്റ് ജഡ്ജിന് തുല്യമായ ശമ്പളമാണ് ചെയര്‍മാന് കൊടുക്കേണ്ടതെന്നും ധനമന്ത്രി

തിരുവനന്തപുരം: പിഎസ്‌സി അംഗങ്ങളുടെ ശമ്പള വര്‍ധനയെ ന്യായീകരിച്ച് ധനമന്ത്രി കെ എന്‍ ബാലഗോപാല്‍. ഭരണഘടനാ സ്ഥാപനമായ പിഎസ്‌സിയില്‍ നിയമപരമായി ശമ്പളം കൊടുക്കേണ്ടതാണ്. പ്രിന്‍സിപ്പല്‍ ഡിസ്ട്രിക്റ്റ് ജഡ്ജിന് തുല്യമായ ശമ്പളമാണ് ചെയര്‍മാന് കൊടുക്കേണ്ടതെന്നും ധനമന്ത്രി വ്യക്തമാക്കി. 

വിവിധ സംസ്ഥാനങ്ങളുടെ സാഹചര്യമടക്കം പരിശോധിച്ചാണ് തീരുമാനം. വലിയ രീതിയില്‍ മുന്‍കാല പ്രാബല്യമൊന്നും കൊടുക്കുന്നില്ലെന്നാണ് ധനമന്ത്രിയുടെ ന്യായീകരണം. കുറച്ച് നാളായി ധനകാര്യ വകുപ്പില്‍ ഈ ഫയലുണ്ടെന്നും മന്ത്രി ചൂണ്ടിക്കാട്ടി.