/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/yRUZR45ZnUQzLelydRbg.jpg)
തിരുവനന്തപുരം: യുവജനങ്ങള്‍ക്കിടയില്‍ വര്‍ദ്ധിച്ചുവരുന്ന അക്രമവാസനക്കെതിരെ സ്‌നേഹസന്ദേശം പ്രചരിപ്പിക്കുന്നതിനായി ഉന്നതവിദ്യാഭ്യാസ വകുപ്പിനു കീഴിലെ ഐഎച്ച്ആര്‍ഡി നേതൃത്വത്തില്‍ സ്‌നേഹത്തോണ്‍ സംഘടിപ്പിക്കും.
മാര്‍ച്ച് ഏഴിന് വെള്ളിയാഴ്ചയാണ് വിവിധ നഗരകേന്ദ്രങ്ങളില്‍ വിവിധങ്ങളായ പരിപാടികളോടെ സ്‌നേഹത്തോണ്‍ ഒരുങ്ങുക.
സംസ്ഥാനത്തെ 88 ഐഎച്ച്ആര്‍ഡി സ്ഥാപനങ്ങളുടെ ആഭിമുഖ്യത്തില്‍ സംസ്ഥാനത്തെ വിവിധ നഗരകേന്ദ്രങ്ങളില്‍ ഇതിന്റെ ഭാഗമായി ലഹരി വ്യാപനത്തിനെതിരെ 'Run away from Drugs' എന്ന പേരില്‍ കൂട്ടയോട്ടം നടക്കും. രാവിലെ 7.30ന് ആരംഭിക്കുന്ന കൂട്ടയോട്ടത്തില്‍ സമൂഹത്തിലെ നാനാതുറകളില്‍പ്പെട്ട പ്രമുഖരടക്കം പങ്കാളികളാകും.
ശേഷം, ഐഎച്ച്ആര്‍ഡി സ്ഥാപനങ്ങളില്‍ വിദ്യാര്‍ത്ഥികളുടെ നേതൃത്വത്തില്‍ സ്‌നേഹമതില്‍ തീര്‍ക്കും. തുടര്‍ന്ന് നൂറു കേന്ദ്രങ്ങളില്‍ ഒരുക്കുന്ന സ്‌നേഹസംഗമത്തില്‍ ഉന്നത സാംസ്‌കാരിക -സാമൂഹിക വ്യക്തിത്വങ്ങള്‍ വിദ്യാര്‍ത്ഥികളുമായി സംവദിയ്ക്കും. കൂട്ടയോട്ടത്തിന്റെ സംസ്ഥാനതല ഫ്‌ലാഗ് ഓഫ് ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആര്‍ ബിന്ദു കൊല്ലത്ത് നിര്‍വ്വഹിക്കും.