പ്രതികൂല കാലാവസ്ഥ; രാഹുലും പ്രിയങ്കയും ബുധനാഴ്ച നടത്താനിരുന്ന വയനാട് സന്ദര്‍ശനം മാറ്റിവച്ചു; എത്രയും വേഗം വയനാട്ടിലെത്തുമെന്ന് രാഹുല്‍

കല്‍പറ്റ: ലോക്‌സഭ പ്രതിപക്ഷ നേതാവും, വയനാട് മുന്‍ എംപിയുമായ രാഹുല്‍ ഗാന്ധി ബുധനാഴ്ച നടത്താനിരുന്ന വയനാട് സന്ദര്‍ശനം മാറ്റിവച്ചു. രാഹുലിനൊപ്പം വയനാട് സന്ദര്‍ശിക്കാനിരുന്ന പ്രിയങ്ക ഗാന്ധിയും യാത്ര മാറ്റി. പ്രതികൂല കാലാവസ്ഥയുടെ പശ്ചാത്തലത്തിലാണ് യാത്ര മാറ്റിവച്ചത്. രാഹുല്‍ തന്നെയാണ് 'എക്‌സി'ലൂടെ ഇക്കാര്യം അറിയിച്ചത്.

രാഹുലിന്റെ വാക്കുകള്‍:

''ഉരുൾപൊട്ടലിൽ ദുരിതമനുഭവിക്കുന്ന കുടുംബങ്ങളെ കാണാനും സ്ഥിതിഗതികൾ വിലയിരുത്താനും ഞാനും പ്രിയങ്കയും നാളെ വയനാട് സന്ദർശിക്കാനിരിക്കുകയായിരുന്നു. 

എന്നാൽ, ഇടതടവില്ലാതെ പെയ്യുന്ന മഴയും പ്രതികൂല കാലാവസ്ഥയും കാരണം ഞങ്ങൾക്ക് ഇറങ്ങാൻ കഴിയില്ലെന്ന് അധികൃതർ അറിയിച്ചു.

Priyanka and I were scheduled to visit Wayanad tomorrow to meet with families affected by the landslide and take stock of the situation.

However, due to incessant rains and adverse weather conditions we have been informed by authorities that we will not be able to land.

I…

— Rahul Gandhi (@RahulGandhi) July 30, 2024

എത്രയും വേഗം ഞങ്ങൾ സന്ദർശിക്കുമെന്ന് വയനാട്ടിലെ ജനങ്ങൾക്ക് ഉറപ്പ് നൽകാൻ ഞാൻ ആഗ്രഹിക്കുന്നു. ഞങ്ങൾ സ്ഥിതിഗതികൾ സൂക്ഷ്മമായി നിരീക്ഷിക്കുകയും ആവശ്യമായ എല്ലാ സഹായവും നൽകുകയും ചെയ്യും. ഈ വിഷമഘട്ടത്തിൽ വയനാട്ടിലെ ജനങ്ങൾക്കൊപ്പമാണ് ഞങ്ങളുടെ ചിന്തകൾ''.