/sathyam/media/agency_attachments/5VspLzgrB7PML1PH6Ix6.png)
Follow UsNew Update
/sathyam/media/media_files/oNWwTDL0uIYH8bhyO0lJ.jpg)
കൊച്ചി: ബലാത്സംഗക്കേസില് രാഹുല് മാങ്കൂട്ടത്തില് എംഎല്എ മുന്കൂര് ജാമ്യം തേടി ഹൈക്കോടതിയെ സമീപിച്ചു. ക്രിമിനല് അഭിഭാഷകന് എസ് രാജീവാണ് രാഹുലിന് വേണ്ടി ഹര്ജി നല്കിയിട്ടുള്ളത്.
Advertisment
ഉഭയകക്ഷി സമ്മതപ്രകാരമുള്ള ബന്ധമാണ് താനും പരാതിക്കാരിയും തമ്മിലുണ്ടായിരുന്നതെന്നാണ് രാഹുല് ജാമ്യാപേക്ഷയില് വ്യക്തമാക്കുന്നതെന്നാണ് സൂചന. യുവതിയെ ബലാത്സംഗം ചെയ്തിട്ടില്ലെന്നും രാഹുല് ഹര്ജിയില് പറയുന്നു.
യുവതിയെ ഗര്ഭച്ഛിദ്രത്തിന് താന് നിര്ബന്ധിച്ചിട്ടില്ല. തനിക്കെതിരായ പരാതി സിപിഎം-ബിജെപി ഗൂഢാലോചനയുടെ ഫലമാണെന്നും രാഹുല് മാങ്കൂട്ടത്തില് ഹര്ജിയില് ആരോപിക്കുന്നുവെന്നാണ് വിവരം.
ബലാത്സംഗ കേസില് രാഹുല് മാങ്കൂട്ടത്തിലിന്റെ മുന്കൂര് ജാമ്യാപേക്ഷ കഴിഞ്ഞദിവസം തിരുവനന്തപുരം സെഷന്സ് കോടതി തള്ളിയിരുന്നു. ഇതേത്തുടര്ന്നാണ് രാഹുല് ഹൈക്കോടതിയെ സമീപിച്ചിട്ടുള്ളത്.