മൂന്നാം ബലാത്സംഗ കേസ്: പരാതി ലഭിച്ചത് അഞ്ച് ദിവസം മുമ്പ്; സംഘം നീങ്ങിയത് അതീവ രഹസ്യമായി

പത്തനംതിട്ട: മൂന്നാമത്തെ ബലാത്സംഗ കേസില്‍ എംഎല്‍എ രാഹുല്‍ മാങ്കൂട്ടത്തിലിനെ പിടികൂടുന്നതിനായി അന്വേഷണ സംഘം നീങ്ങിയത് അതീവ രഹസ്യമായി. പാലക്കാട് നിന്ന് തിരുവനന്തപുരം എസ്ഐടിയാണ് കസ്റ്റഡിയില്‍ എടുത്തത്.

പരാതിയുടെ വിവരങ്ങള്‍ രഹസ്യമാക്കി വെക്കണമെന്ന് പൂങ്കുഴലി ഐപിഎസ് നിര്‍ദ്ദേശം നല്‍കിയിരുന്നു. എ ആര്‍ ക്യാമ്പില്‍ എത്തിച്ചാണ് അറസ്റ്റ് രേഖപ്പെടുത്തിയത്. എഐജി ജി. പൂങ്കുഴലി എ ആര്‍ ക്യാമ്പിലെത്തിയിട്ടുണ്ട്. ഭ്രൂണത്തിന്റെ സാമ്പിള്‍ പോലും തെളിവായി ലഭിച്ചിരിക്കുന്ന കേസിലാണ് അറസ്റ്റ് നടത്തിയിരിക്കുന്നത്.