വീണ്ടും മഴക്കാലം തന്നെ ! സം​സ്ഥാ​ന​ത്ത് ഒരാഴ്ച വ്യാ​പ​ക മ​ഴ​യെന്ന് മുന്നറിയിപ്പ്; മഴ തോരാതെ പെയ്താൽ ജീവിതം വഴിമുട്ടുമെന്ന ആശങ്കയിൽ കർഷകരും തൊഴിലാളികളും

കൊ​ച്ചി: സം​സ്ഥാ​ന​ത്ത് അ​ടു​ത്ത ഏ​ഴ് ദി​വ​സം വ്യാ​പ​ക മ​ഴ​യ്ക്ക് സാ​ധ്യ​ത​യെ​ന്ന കേ​ന്ദ്ര കാ​ലാ​വ​സ്ഥാ വ​കു​പ്പി​ന്‍റെ മു​ന്ന​റി​യി​പ്പ് വന്നതോടെ മലയോര മേഖലയിലെ കർഷകർ ആശങ്കയിലാണ്.

തോരാതെയുള്ള വ്യാ​പ​ക​മാ​യ മഴ പെയ്തിറങ്ങിയാൽ കാർഷിക വിളകൾ നശിച്ചു പോയേക്കാം കൂടാതെ കർഷക തൊഴിലാളികൾക്ക് ജോലിയും താത്കാലികമായി കിട്ടാതാകും.

ഓണം മുന്നിൽ കണ്ട് പൂക്കൾ കൃഷി ചെയ്തവർ, മാസങ്ങളായി റബ്ബർ മരങ്ങൾ വെട്ടാൻ സാധിക്കാത്തവർ, തോട്ടം തൊഴിലാളികൾ, കെട്ടിട നിർമാണ തൊഴിലാളികൾ അങ്ങനെ നിരവധി പേർ പ്രതീക്ഷകൾ തകരുമോ എന്ന ആശങ്കയിലാണ്. 

എ​ട്ടാം തീ​യ​തി ക​ണ്ണൂ​ർ, കാ​സ​ർ​ഗോ​ഡ് ജി​ല്ല​ക​ളി​ൽ യെ​ല്ലോ അ​ല​ർ​ട്ട് പ്ര​ഖ്യാ​പി​ച്ചി​ട്ടു​ണ്ട്. അ​ന്നേ​ദി​വ​സം ഈ ​ജി​ല്ല​ക​ളി​ൽ ഒ​റ്റ​പ്പെ​ട്ട ശ​ക്ത​മാ​യ മ​ഴ​മു​ന്ന​റി​യി​പ്പാ​ണ് പു​റ​പ്പെ​ടു​വി​ച്ചി​ട്ടു​ള്ള​ത്.

വ​ട​ക്ക​ൻ ആ​ന്ധ്രാ​പ്ര​ദേ​ശി​ന്‌ മു​ക​ളി​ൽ ഒ​രു ച​ക്ര​വാ​ത​ചു​ഴി സ്ഥി​തി​ചെ​യ്യു​ന്നു​ണ്ട്. വ്യാ​ഴാ​ഴ്ച​യോ​ടെ ഇ​ത് മ​ധ്യ പ​ടി​ഞ്ഞാ​റ​ൻ-​വ​ട​ക്കു പ​ടി​ഞ്ഞാ​റ​ൻ ബം​ഗാ​ൾ ഉ​ൾ​ക്ക​ട​ലി​നു മു​ക​ളി​ലാ​യി ന്യു​ന മ​ർ​ദ​മാ​യി ശ​ക്തി പ്രാ​പി​ക്കാ​ൻ സാ​ധ്യ​ത​യു​ണ്ട്.

രാ​ജ​സ്ഥാ​ന് മു​ക​ളി​ൽ സ്ഥി​തി​ചെ​യ്തി​രു​ന്ന ന്യൂ​ന മ​ർ​ദം ച​ക്ര​വാ​ത ചു​ഴി​യാ​യി ശ​ക്തി കു​റ​ഞ്ഞു. മ​ധ്യ പ​ടി​ഞ്ഞാ​റ​ൻ അ​റ​ബി​ക്ക​ട​ലിലെ ന്യൂ​ന മ​ർ​ദം ഒ​മാ​ൻ തീ​ര​ത്തി​ന് സ​മീ​പം ച​ക്ര​വാ​ത ചു​ഴി​യാ​യി ശ​ക്തി കു​റ​ഞ്ഞി​ട്ടു​ണ്ട്. ഇ​തി​ന്‍റെ ഫ​ല​മാ​യാ​ണ് കേ​ര​ള​ത്തി​ൽ അ​ടു​ത്ത ഏ​ഴ് ദി​വ​സം മ​ഴ ശ​ക്ത​മാ​കു​ന്ന​ത്.