സാധാരണക്കാരുടെ പ്രശ്നങ്ങൾ കേൾക്കാനും പരിഹരിക്കാനും ഹെൽപ് ഡെസ്ക് പദ്ധതിയുമായി ബിജെപി, തൃശൂരിൽ നടന്ന സംഭവം സുരേഷ് ​ഗോപിയോടാണ് ചോദിക്കേണ്ടത്: രാജീവ് ചന്ദ്രശേഖർ

തിരുവനന്തപുരം: ആഗോള അയ്യപ്പ സംഗമത്തിന് എതിരായിട്ടല്ല ബിജെപി പറഞ്ഞതെന്ന്  സംസ്ഥാന അധ്യക്ഷൻ രാജീവ് ചന്ദ്രശേഖർ. വിശ്വാസത്തെ എതിർക്കുന്ന നേതാക്കൻമാരെ ഗസ്റ്റ് ആയി ക്ഷണിക്കുന്നതിനെ ആണ് എതിർക്കുന്നത്. മുഖ്യമന്ത്രിയുടെ ഉറ്റ സുഹൃത്ത് സ്റ്റാലിൻ വരുന്നില്ലലോ. ഇലക്ഷന് മുന്നോടിയായുള്ള നാടകമാണ് നടക്കുന്നത്. ജനങ്ങൾക്ക് എല്ലാം കൃത്യമായി മനസ്സിലാകുന്നുണ്ടെന്നും അദ്ദേഹം പറഞ്ഞു.

അതേസമയം, സംസ്ഥാനത്തെ എല്ലാ ജനങ്ങൾക്കും ബിജെപി ഹെല്പ് ഡെസ്ക് ഉപകാരം ആകുമെന്നും എല്ലാ ജില്ലയിലും ഹെല്പ് ഡസ്ക് ആരംഭിച്ചുവെന്നും അദ്ദേഹം പറഞ്ഞു.  പദ്ധതികൾ,അവകാശങ്ങൾ എന്നിവ ജനങ്ങളിലേക്ക് എത്താൻ പാർട്ടി സഹായിക്കും. എല്ലാ ബുധനാഴ്ചയും സംസ്‌ഥാന കമ്മിറ്റി ഓഫീസിൽ സാധാരണക്കാരുടെ പ്രശ്നങ്ങൾ കേൾക്കാൻ സംവിധാനം ഉണ്ടാകും. ഹെല്പ് ഡസ്ക് ഇൻസ്പിറേഷൻ നരേന്ദ്ര മോദി ആണ്. കഠിന അധ്വാനം ആണ് മോദിയുടെ രാഷ്ട്രീയം, അത് ഞങ്ങളും മാതൃകയാക്കുന്നുവെന്നും അദ്ദേഹം പറഞ്ഞു.