പിന്തുണ അഭ്യർഥിച്ച് രമ്യ ഹരിദാസ് എൻ.എസ്​.എസ്​ ആസ്ഥാനത്ത്​; സുകുമാരൻനായർ പ്രഖ്യാപിച്ച സമദൂര നിലപാട് ഇളകിയാൽ വോട്ടാകും !

കോട്ടയം: ചേലക്കരയിലെ യു.ഡി.എഫ്​ സ്ഥാനാർഥി രമ്യ ഹരിദാസ് ചങ്ങനാശ്ശേരിയിലെ എൻ.എസ്​.എസ്​ ആസ്ഥാനത്തെത്തി. ജനറൽ സെക്രട്ടറി ജി. സുകുമാരൻനായരെ കണ്ട്​ പിന്തുണ അഭ്യർഥിച്ചു. 

തൃശൂർ പൂരം തകർക്കാൻ നേതൃത്വം നൽകിയവരോട്​ പൊറുക്കാൻ കഴിയില്ല. സ്ഥാനാർഥി നിർണയ സമയത്ത് ഒന്നിലധികം പേരുകൾ വരുന്നത് സ്വാഭാവികമാണ്. വിവാദങ്ങൾക്ക് ഇപ്പോൾ പ്രസക്തിയില്ലെന്നും രമ്യ പറഞ്ഞു.

കഴിഞ്ഞയാഴ്ച പുതുപ്പള്ളിയിൽ മുൻ മുഖ്യമന്ത്രി ഉമ്മൻ ചാണ്ടിയുടെ കല്ലറയിലും രമ്യ എത്തിയിരുന്നു. മാത്രമല്ല, അനുഗ്രഹം തേടി രമ്യ പാണക്കാടും സന്ദർശിച്ചിരുന്നു.