പുഴകളുടെയും കായലുകളുടെയും തോടുകളുടെയും ഇരുവശങ്ങള്‍ ഇടിഞ്ഞ് തകരുന്നത് ഒഴിവാക്കാന്‍ സര്‍ക്കാര്‍ ഖജനാവ് കാലിയോ ?

കുറവിലങ്ങാട്: പുഴകളുടെയും കായലുകളുടെയും തോടുകളുടെയും ഇരുവശങ്ങള്‍ ഇടിഞ്ഞ് വെള്ളമൊഴുക്ക് തടസപ്പെടുന്നു, വശങ്ങള്‍ ഇടിഞ്ഞ് സ്ഥലങ്ങള്‍ സ്വകാര്യ വ്യക്തികള്‍ സ്വന്തം കീശയില്‍ നിന്നും തുകചെലവഴിച്ച് കായലുകളുടെയും തോടുകളുടെയും പുഴകളുടെയും വീതി കുറച്ച് കൈയ്യേറുന്നു. 

ഇതാണ് നിലവിലുള്ള അവസ്ഥ ഇതിന് കാരണമായി പരിസ്ഥിതി പ്രവര്‍ത്തകര്‍ പറയുന്നത് പരമ്പരാഗതമായി വെള്ളം ഒഴുകുന്ന പുഴകളുടെയും കായലുകളുടെയും തോടുകളുടെയും ഇരുവശങ്ങള്‍ ഇടിഞ്ഞ് വീഴുമ്പോള്‍ തന്നെ തകര്‍ന്ന് വശങ്ങള്‍ സംരക്ഷണ ഭിത്തി കെട്ടി സംരക്ഷിക്കാന്‍ സര്‍ക്കാരിന്റെയോ ബന്ധപ്പെട്ട തദ്ദേശസ്വയംഭരണ സ്ഥാപനങ്ങളുടെയോ ഭാഗത്ത് നിന്ന് സംരക്ഷണഭിത്തി കെട്ടുവാന്‍ ഫണ്ട് അനുവദിക്കുന്നില്ല എന്നതാണ്. 

സംരക്ഷണ ഭിത്തി പുനര്‍നിര്‍മ്മാണത്തിനായി ബന്ധപ്പെട്ട വകുപ്പുകള്‍ തുക അനുവദിക്കുവാന്‍ കാലതാമസം വരുത്തുമ്പോള്‍ സ്വകാര്യ വ്യക്തികള്‍ ഇവിടെ കൈയ്യേറ്റം നടത്തുന്നുവെന്നാണ് ആരോപണം. കോട്ടയം ജില്ലയിലെ പല താലൂക്ക് മേഖലയില്‍ ഇതാണ് അവസ്ഥ.  

കൈയ്യേറ്റവും അനധികൃത നിര്‍മ്മാണവും ശ്രദ്ധയില്‍ പ്പെടുത്തി പരാതി സമര്‍പ്പിച്ചാല്‍ തുടര്‍നിയ നടപടികള്‍ വൈകുന്നു.സ്വകാര്യ വ്യക്തികള്‍ കൈയ്യേറിയ പുഴകളുടെ യും കായലുകളു ടെയും തോടുകളുടെയും ഇരുവശങ്ങളുടെ കൈയ്യേറ്റം ഒഴിപ്പിക്കാന്‍ തദ്ദേശസ്വയംഭരണ- റവന്യൂ വകുപ്പുകളുടെ നടപടികളുടെ കാലതാമസവും വിനയാകുന്നു. 

ഈ കാലതാമസം മഴക്കാലത്ത് ഇവയുടെ വശങ്ങള്‍ ഇടിഞ്ഞ് വെള്ളമൊഴുക്ക് തടസപ്പെടുകയും താഴ്ന്ന പ്രദേശങ്ങള്‍ ഉള്‍പ്പെടെയുള്ളവ വെള്ളത്തില്‍ അടിയാലാകും. ഈ അവസ്ഥ പരിഹരിക്കാന്‍ നിരവധി ശുപാര്‍ശകള്‍ വിവിധ തദ്ദേശസ്വയംഭരണ സ്ഥാപനങ്ങള്‍ സര്‍ക്കാരിന്റെ മുമ്പാകെ സമര്‍പ്പിട്ടുണ്ട് പക്ഷേ അനുകൂലമായ ഒരു ഉത്തരവ് ഉണ്ടായിട്ടില്ല. 

കായലുകളുടെയും തോടുകളുടെയും പുഴകളുടെയും സംരക്ഷണ ഭിത്തി കെട്ടി സംരക്ഷിക്കുവാനും ഇവയുടെ ആഴം വര്‍ദ്ധിപ്പിക്കുവാനും നിരവധി പദ്ധതികള്‍ ആസൂത്രണം ചെയ്യുന്നുണ്ടെങ്കില്ലും അവകടലാസില്‍ മാത്രമായി ഒതുങ്ങി. ഇതിനെല്ലാം ഉദ്യോഗസ്ഥര്‍ പറയുന്നത് ഞങ്ങള്‍ റിപ്പോര്‍ട്ട്, എസ്റ്റിമേറ്റ് തയ്യാറാക്കി ബന്ധപ്പെട്ട വകുപ്പുകള്‍ വഴി ധനകാര്യ വകുപ്പിന് സമര്‍പ്പിച്ചിട്ടുണ്ട് എന്നാണ്.

 ജലസേചന വകുപ്പിന്റെ കീഴില്‍ ഇറിഗേഷന്‍ വകുപ്പ് ഉണ്ടെങ്കിലും ഇറിഗേഷന്‍ വകുപ്പില്‍ ഫണ്ടില്ല എന്നതാണ് വാസ്തവം. അതായത് കേരളത്തിലെ കായലുകള്‍,പുഴകള്‍, തോടുകള്‍ എന്നിവയുടെ വശങ്ങള്‍ കൈയ്യേറ്റത്തിന് ഉത്തരവാദികള്‍ സര്‍ക്കാരിന്റെ ഇറിഗേഷന്‍ -ധനകാര്യവകുപ്പ് വിഭാഗങ്ങള്‍ ആണ് എന്നാണ് ആരോപണം. 

കൃത്യമായി ഇറിഗേഷന്‍ വകുപ്പിന്റെ ശുപാര്‍ശകള്‍ അനുസരിച്ച് ധനകാര്യ വകുപ്പ് ഫണ്ടുകള്‍ അനുവദിച്ചാല്‍ കേരളത്തിലെ കായലുകള്‍, പുഴകള്‍ തോടുകള്‍ ഇവയുടെ വശങ്ങള്‍ സംരക്ഷണ ഭിത്തി കെട്ടി സംരക്ഷിക്കുവാനും അനധികൃത കൈയ്യേറ്റങ്ങളും, നിയമയുദ്ധങ്ങളും ഒഴിവാക്കാന്‍ സഹായിക്കും എന്നാണ് പരിസ്ഥിതി പ്രവര്‍ത്തകരുടെയും, വിദഗ്ദ്ധരുടെ അഭിപ്രായം.