പത്തനംതിട്ട : വിവിധ പോലീസ് സ്റ്റേഷനുകളിലായി നിരവധി മോഷണക്കേസുകളില്‍ പ്രതിയെ ഓടിച്ചിട്ട് പിടികൂടി കീഴ്വായ്പ്പൂര്‍ പോലീസ് നൈറ്റ് പട്രോളിംഗ് സംഘം. തമിഴ്‌നാട് തിരുനെല്‍വേലി തെങ്കാശി വിശ്വനാഥയ്യര്‍ കോവില്‍ സ്ട്രീറ്റ്, ഹൗസ് നമ്പര്‍ 12 ല്‍ പാച്ചി മുത്തു, മുത്തു കുമാര്‍ എന്നീ പേരുകളില്‍ അറിയപ്പെടുന്ന വസന്തകുമാര്‍ (49) ആണ് അറസ്റ്റിലായത്.
തിരുവല്ല മല്ലപ്പള്ളി റോഡില്‍ ചെങ്ങരൂര്‍ ഓര്‍ത്തഡോക്‌സ് പള്ളിക്ക് സമീപം ഇന്ന് പുലര്‍ച്ചെ 4.40ന് സംശയകരമായ സാഹചര്യത്തില്‍ കണ്ട ഇയാളെ കീഴ്വായ്പ്പൂര്‍ പോലീസ് തടഞ്ഞുനിര്‍ത്തി ചോദ്യം ചെയ്തപ്പോള്‍ ഓടിരക്ഷപ്പെടാന്‍ ശ്രമിച്ചു. തുടര്‍ന്ന്, എസ് ഐ പി. പി. മനോജ് കുമാറും, എസ് സി പി ഓ ശരത് പ്രസാദും ചേര്‍ന്ന് ഓടിച്ചിട്ട് പിടികൂടി.
സ്റ്റേഷനില്‍ എത്തിച്ച് വിശദമായി ചോദ്യം ചെയ്തതിന്റെ അടിസ്ഥാനത്തില്‍ നേരത്തെ രജിസ്റ്റര്‍ ചെയ്ത് അന്വേഷണം നടത്തിവരുന്ന മോഷണകേസില്‍ ഇയാളെ അറസ്റ്റ് ചെയ്ത് കുറ്റസമ്മതമൊഴി രേഖപ്പെടുത്തിയപ്പോള്‍, കഴിഞ്ഞദിവസം നടത്തിയ മറ്റൊരു മോഷണത്തെപ്പറ്റിയും വെളിപ്പെടുത്തി.
കുന്നന്താനം പാലക്കാത്തകിടി തലക്കുളം സെന്റ് മേരിസ് ഓര്‍ത്തഡോക്‌സ് പള്ളിക്ക് സമീപം റോസ് ടിമ്പേഴ്‌സ് തടിമില്ലില്‍ നടത്തിയ മോഷണത്തെപ്പറ്റിയാണ് പോലീസിനോട് വെളിപ്പെടുത്തിയത്.
ഈ മാസം ഏഴിന് പുലര്‍ച്ചെ മണ്‍വെട്ടി, ചുറ്റിക, സ്‌ക്രൂഡ്രൈവര്‍ എന്നിവ മോഷ്ടിച്ചശേഷം, ഷട്ടര്‍ ഇട്ടു പൂട്ടിയ ഓഫീസിന്റെ താഴുപൊട്ടിച്ച് അകത്തു കയറിയാണ് മില്ലില്‍ മോഷണം നടത്തിയത്.
ഓഫീസ് മുറിയുടെ വാതില്‍ പൊളിച്ച് അകത്തുകയറിയ ഇയാള്‍ മേശയില്‍ സൂക്ഷിച്ചിരുന്ന 300 രൂപയുടെ നാണയം മോഷ്ടിച്ചുകടന്നു. കുറ്റസമ്മതമൊഴിയുടെ അടിസ്ഥാനത്തില്‍ കീഴ്വായ്പ്പൂര്‍ പോലീസ് മറ്റൊരു കേസ് രജിസ്റ്റര്‍ ചെയ്തു. തുടര്‍ന്ന് ഇതിലും അറസ്റ്റ് രേഖപ്പെടുത്തി.
മോഷ്ടിച്ച പണം ദൈനംദിന ചെലവുകള്‍ക്കും മദ്യപിക്കുന്നതിനും ഉപയോഗിച്ചതായി പ്രതി സമ്മതിച്ചു. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു. കീഴ്വായ്പ്പൂര്‍ സ്റ്റേഷനിലെ രണ്ട് കേസുകള്‍ക്ക് പുറമെ, അടൂര്‍ പന്തളം, ആറന്മുള എന്നീ സ്റ്റേഷനുകളിലായി 4 മോഷണ കേസുകള്‍ നിലവിലുണ്ട്.
കൂടാതെ ചിങ്ങവനം, കോട്ടയം ഈസ്റ്റ് പോലീസ് സ്റ്റേഷനുകളില്‍ രജിസ്റ്റര്‍ ചെയ്ത മോഷണകേസുകളിലും ഉള്‍പ്പെട്ടിട്ടുണ്ട്. ആരാധനാകേന്ദ്രങ്ങളാണ് മോഷണത്തിനായി ഇയാള്‍ അധികവും തെരഞ്ഞെടുക്കാറുള്ളതെന്നും അന്വേഷണത്തില്‍ വ്യക്തമായി.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/02/11/VdUJvHLSQbXqVb8IdzBA.jpg)