എന്തിനാണ് ഈ ഗാനം ആർഎസ്എസിന് തീറെഴുതുന്നത്. അവർ പാടുന്ന ഗാനങ്ങളെല്ലാം അവരുടേതാണ് എന്ന ചിന്താഗതി എല്ലാവരും മാറ്റിയെ തീരൂ : കോൺ​ഗ്രസ് നേതാവ്

തിരുവനന്തപുരം: എറണാകുളം- ബെംഗളൂരു വന്ദേഭാരത് എക്‌സ്പ്രസിന്റെ ഉദ്ഘാടനവേളയിൽ ട്രെയിനിൽ വിദ്യാർത്ഥികൾ ഗണഗീതം പാടിയതിനെ പിന്തുണച്ച് മുന്‍ യൂത്ത് കോൺഗ്രസ് സംസ്ഥാന വൈസ് പ്രസിഡന്‍റ് എൻ എസ് നുസൂർ. 

കുട്ടികള്‍ പാടിയത് ഒരു വിവാദഗാനമല്ലെന്നും വർഷങ്ങൾക്ക് മുൻപ് താനും ഭാരത് സ്‌കൗട്ട് ആൻഡ് ഗെയ്ഡ്‌സ് ക്യാമ്പുകളിൽ ഈ ഗാനം പാടിയിട്ടുണ്ടെന്നും എൻ എസ് നുസൂർ ഫേസ്ബുക്കിൽ കുറിച്ചു. 

എന്തിനാണ് ഈ ഗാനം ആർഎസ്എസിന് തീറെഴുതുന്നത്. അവർ പാടുന്ന ഗാനങ്ങളെല്ലാം അവരുടേതാണ് എന്ന ചിന്താഗതി എല്ലാവരും മാറ്റിയെ തീരൂവെന്നും വിവാദ ഗണഗീതാലാപന വീഡിയോ പങ്കുവെച്ച് എൻ എസ് നുസൂർ കുറിച്ചു.

ഗാനം ആലപിച്ച കുട്ടികൾക്ക് ആശംസകൾ നേർന്നുകൊണ്ടാണ് അദ്ദേഹത്തിന്റെ പ്രതികരണം.