രാഹുല്‍ മാങ്കൂട്ടത്തിലിനെതിരെ ഗര്‍ഭഛിദ്രത്തിന് നിര്‍ബന്ധിച്ചു എന്ന പരാതി നല്‍കിയ പെണ്‍കുട്ടിയെ അപമാനിക്കാന്‍ ശ്രമിക്കുന്നു. കോണ്‍ഗ്രസ് നേതാവ് സന്ദീപ് വാര്യര്‍ക്കെതിരെ കേസെടുക്കണമെന്ന ആവശ്യം ശക്തമാകുന്നു. സന്ദീപിനെതിരെ കോണ്‍ഗ്രസില്‍ അമര്‍ഷം ശക്തമാകുന്നു

കോട്ടയം: രാഹുല്‍ മാങ്കൂട്ടത്തിലിനെതിരെ ഗര്‍ഭഛിദ്രത്തിന് നിര്‍ബന്ധിച്ചു എന്ന പരാതി നല്‍കിയ പെണ്‍കുട്ടിയെ അപമാനിക്കാന്‍ ശ്രമിക്കുന്നു, കോണ്‍ഗ്രസ് നേതാവ് സന്ദീപ് വാര്യര്‍ക്കെതിരെ കേസെടുക്കണമെന്ന ആവശ്യം ശക്തമാകുന്നു.

സന്ദീപിനെതിരെ കോണ്‍ഗ്രസില്‍ അമര്‍ഷം ശക്തമാണ്. ലൈംഗിക പീഡന കേസുകളില്‍ ഇരകളുടെ ഐഡന്റിറ്റി വെളിവാക്കരുതെന്ന നിയമമാണു വളഞ്ഞ വഴിയിലൂടെ സന്ദീപ് ലംഘിച്ചതെന്നും ഇതു മനപ്പൂവര്‍ം ചെയ്തതാണെന്ന ആക്ഷേപമാണ് ഉയരുന്നത്. സന്ദീപ് ചെയ്തത് കോൺഗ്രസിനെ കൂടുതൽ പ്രതിരോധത്തിലാക്കിയിട്ടുണ്ട്.

രാഹുല്‍ മാങ്കൂട്ടത്തിലിനെതിരെ പരാതി നല്‍കിയ യുവതിയുടെ ചിത്രം സോഷ്യല്‍ മീഡിയയില്‍ വ്യാപകമായി പ്രചരിക്കുന്നുണ്ട്.

കോണ്‍ഗ്രസ് നേതാവ് സന്ദീപ് വാര്യരുടെ പോസ്റ്റിന് പിന്നാലെയാണ് യുവതിയുടെ ചിത്രം സമൂഹമാധ്യമങ്ങളില്‍ പ്രചരിക്കാൻ തുടങ്ങിയത്.

ഇരയുടെ ചിത്രം സന്ദീപിന്റെ ഫെയ്‌സ്ബുക്ക് അക്കൗണ്ടില്‍ നേരത്തെ പോസ്റ്റ് ചെയ്തിട്ടുണ്ടായിരുന്നു.

ഇരയുടെ ഐഡന്റിറ്റി വെളിപ്പെടുത്തപ്പെടുമെന്നതിനാല്‍ സന്ദീപ് ചിത്രം ഡിലീറ്റ് ചെയ്തിരുന്നു. എന്നാല്‍, കുറിപ്പിലൂടെ ഈ വിവരം പങ്കുവച്ചതിനു ശേഷമായിരുന്നു സന്ദീപ് ചിത്രം നീക്കിയത്.

അപ്പോഴേയ്ക്കും ചിത്രം സന്ദീപിൻ്റെ ഫേസ്ബുക്കിൽ നിന്ന് എടുത്ത് രാഹുലിനെ അനുകൂലിക്കുന്നവർ സോഷ്യൽ മീഡിയയാൽ പ്രചരിപ്പിക്കാൻ തുടങ്ങി.

പരാതിക്കാരിയുടെ ഐഡന്റിറ്റി വെളിപ്പെടുത്തുന്ന, പണ്ട് ഞാന്‍ ഫെയ്‌സ് ബുക്കില്‍ പങ്കുവെച്ച കല്യാണ ഫോട്ടോ ചിലര്‍ ദുരുപയോഗിക്കുന്നതായി കാണിച്ചു ഡിലീറ്റ് ചെയ്യണമെന്ന് ആവശ്യപ്പെട്ടു പലരും സന്ദേശം അയച്ചെന്നായിരുന്നു സന്ദീപ് ഫെയ്‌സ്ബുക്കില്‍ കുറിച്ചത്.

പരാതിക്കാരിയുടെ ഐഡന്റിറ്റി പുറത്തുപോകുന്നത്  ശരിയല്ലാത്തതിനാല്‍ ഉത്തരവാദിത്തപ്പെട്ട കോണ്‍ഗ്രസ് പ്രവര്‍ത്തകന്‍ എന്ന നിലയ്ക്ക് ഞാന്‍ അത് ഡിലീറ്റ് ചെയ്യുകയാണ്.

വാസ്തവത്തില്‍ പഴയ പോസ്റ്റുകള്‍ ഡിലീറ്റ് ചെയ്യേണ്ടതില്ല എന്നായിരുന്നു ഞാന്‍ ആദ്യം തീരുമാനിച്ചതെങ്കിലും പ്രത്യേക സാഹചര്യത്തില്‍ കഴിഞ്ഞവര്‍ഷം പങ്കുവെച്ച കല്യാണ ഫോട്ടോ ഡിലീറ്റ് ചെയ്യുകയാണ്,' എന്നായിരുന്നു പോസ്റ്റ്. 

എന്നാല്‍, വളഞ്ഞ വഴിയിലൂടെ യുവതിയെ സൈബര്‍ അധിക്ഷേപത്തിനിട്ടുകൊടുത്ത സന്ദീപ് ചെയ്തത് നിമയ ലംഘനമാണെന്നും നടപടിയെടുക്കണമെന്നുമാണ് ഉയരുന്ന ആവശ്യം.

അതേസമയം,  കോണ്‍ഗ്രസ് നേതാവ് സന്ദീപ് വാര്യര്‍ക്കെതിരെയും രാഹുല്‍ ഈശ്വറിനുമെതിരെയുമാണ് ഡിവൈഎഫ്ഐ ഡിജിപിക്ക് പരാതി നല്‍കിയിട്ടുണ്ട്.

അതിജീവിതയുടെ ഐഡന്റിറ്റി വെളിപ്പെടുത്തിയത് അപമാനിക്കാന്‍ ലക്ഷ്യമിട്ടാണെന്ന് പരാതിയില്‍ പറയുന്നു.

സൈബര്‍ ക്രിമിനലുകള്‍ക്ക് അതിജീവിതയെ കൊത്തിവലിക്കാന്‍ ഇട്ടുകൊടുത്തെന്ന് ഡിവൈഎഫ്ഐ പരാതിയില്‍ പറയുന്നു.

പരാതിക്കാരിയെ അപമാനിക്കാനുള്ള സംഘടിതശ്രമമാണ് രാഹുല്‍ ഈശ്വറും സന്ദീപ് വാര്യരും നടത്തിയത് എന്നും പരാതിയില്‍ വ്യക്തമാക്കിയിട്ടുണ്ട്.