മുപ്പത് വെള്ളി കാശ് വാങ്ങി പ്രസ്ഥാനത്തെ ഒറ്റുകൊടുത്ത മൂരാച്ചി, ഒറ്റുകാരാ സന്ദീപേ പട്ടാപ്പകലില്‍ പാലക്കാട്ട് നിന്നെ ഞങ്ങള്‍ എടുത്തോളാം. സന്ദീപ് വാര്യര്‍ക്കെതിരെ കൊലവിളി മുദ്രാവാക്യവുമായി യുവമോര്‍ച്ച

കണ്ണൂര്‍: ജയകൃഷ്ണന്‍ മാസ്റ്റര്‍ ബലിദാന ദിനത്തോടനുബന്ധിച്ച് കണ്ണൂര്‍ അഴീക്കോട് നടന്ന യുവമോര്‍ച്ച പ്രകടനത്തിനിടെ കോണ്‍ഗ്രസ് നേതാവ് സന്ദീപ് വാര്യര്‍ക്കെതിരെ കൊലവിളി മുദ്രാവാക്യം. 

'മുപ്പത് വെള്ളി കാശ് വാങ്ങി പ്രസ്ഥാനത്തെ ഒറ്റുകൊടുത്ത മൂരാച്ചി എന്നാണ് സന്ദീപിനെ യുവമോര്ച്ച വിളിച്ചത്. 'ഒറ്റുകാരാ സന്ദീപേ പട്ടാപ്പകലില്‍ പാലക്കാട്ട് നിന്നെ ഞങ്ങള്‍ എടുത്തോളാം' എന്നാണ് ഭീഷണി മുഴക്കിയത്. ഇതിന്റെ വീഡിയോ സോഷ്യല്‍ മീഡിയയില്‍ പ്രചരിക്കുന്നുണ്ട്. 

കഴിഞ്ഞ മാസമാണ് സന്ദീപ് വാര്യര്‍ ബി ജെ പി വിട്ട് കോണ്‍ഗ്രസില്‍ ചേര്‍ന്നത്.