ക​ലാ​കി​രീ​ടം തൃ​ശൂ​ർ ഇങ്ങെടുത്തൂട്ടോ ! നേട്ടം കാൽനൂറ്റാണ്ടിന്റെ കാത്തിരിപ്പിനൊടുവിൽ. തൃ​ശൂ​രിന് ഇത് നാലാം കിരീടം. പാലക്കാട് രണ്ടാം സ്ഥാനത്ത്, കണ്ണൂർ മൂന്നാമത്

തി​രു​വ​ന​ന്ത​പു​രം: 63-ാമ​ത് സം​സ്ഥാ​ന സ്‌​കൂ​ള്‍ ക​ലോ​ത്സ​വ കി​രീ​ടം തൃ​ശൂ​രി​ന്. 1008 പോ​യി​ന്‍റു​മാ​യാ​ണ് തൃ​ശൂ​ർ സ്വ​ർ​ണ​ക്ക​പ്പ് സ്വ​ന്ത​മാ​ക്കി​യ​ത്. പാ​ല​ക്കാ​ടി​നാ​ണ് ര​ണ്ടാം സ്ഥാ​നം. ക​ണ്ണൂ​ർ മൂ​ന്നാം സ്ഥാ​ന​വും ക​ര​സ്ഥ​മാ​ക്കി.

25 വർഷങ്ങൾക്ക് ശേഷമാണ് കൗമാരകലയുടെ കിരീടം തൃശൂരിലേക്ക് എത്തുന്നത്. അവസാന നിമിഷം വരെ ആവേശം നിറഞ്ഞ ഫോട്ടോ ഫിനിഷ് പോരാട്ടത്തിലാണ് 1008 പോയിന്റോടെ തൃശൂർ ജേതാക്കൾക്കുള്ള സ്വർണക്കപ്പ് സ്വന്തമാക്കിയത്.

1999ലെ ​കൊ​ല്ലം ക​ലോ​ത്സ​വ​ത്തി​ലാ​ണ് തൃ​ശൂ​ർ അ​വ​സാ​ന​മാ​യി ക​പ്പ് നേ​ടി​യ​ത്. തൃശൂരിന്റെ നാലാം കിരീടനേട്ടമാണിത്. 1994, 1996, 1999 വർഷങ്ങളിലാണ് തൃശൂർ മുൻപു ജേതാക്കളായത്.

1007 പോയിന്റ് നേടിയ പാലക്കാടാണ് രണ്ടാം സ്ഥാനത്ത്. കഴിഞ്ഞ വർഷത്തെ ജേതാക്കളായ കണ്ണൂർ 1003 പോയിന്റോടെ മൂന്നാമതെത്തി. സ്ളു​ക​ളി​ൽ ആ​ല​ത്തൂ​ർ ഗു​രു​കു​ലം എ​ച്ച്എ​സ്എ​സ് പ​ന്ത്ര​ണ്ടാം ത​വ​ണ​യും ചാ​ന്പ്യ​ൻ​മാ​രാ​യി. 

കോഴിക്കോട് – 1000, എറണാകുളം – 980, മലപ്പുറം – 980, കൊല്ലം – 964, തിരുവനന്തപുരം – 957, ആലപ്പുഴ – 953, കോട്ടയം – 924, കാസർകോട് – 913, വയനാട് – 895, പത്തനംതിട്ട – 848, ഇടുക്കി – 817. എന്നിങ്ങനെ ആണ് മറ്റ് ജില്ലകളുടെ പോയിന്റ് നില.