തൃശൂര്‍: അന്തിക്കാട് മനക്കൊടിയില്‍ വച്ച് യുവാവിനെ ആക്രമിച്ച കേസില്‍ പ്രതികളായ സഹോദരങ്ങളെ അന്തിക്കാട് പൊലീസ് അറസ്റ്റ് ചെയ്തു. മനക്കൊടിയില്‍ താമസിക്കുന്ന പാന്തോട് സ്വദേശികളായ പള്ളിയില്‍ വീട്ടില്‍ പ്രത്യുഷ് (26), കിരണ്‍ (20) എന്നിവരാണ് അറസ്റ്റിലായത്.
ഫെബ്രുവരി 28 ന് രാവിലെ സ്‌കൂട്ടറില്‍ വരികയായിരുന്ന മനക്കൊടി സ്വദേശി അക്ഷയ് (25) നെയാണ് മനക്കൊടി കുന്ന് സെന്ററില്‍ തുറിച്ചു നോക്കിയെന്ന കാരണത്താല്‍ മുഖത്തും നെഞ്ചിലും ഇടിച്ച് ഗുരുതരമായി പരിക്കേല്‍പ്പിച്ചത്.
സംഭവത്തില്‍ പ്രതികള്‍ക്കെതിരെ കൊലക്കുറ്റത്തിന് കേസെടുത്തിരുന്നു. തുടര്‍ന്ന് ഞായറാഴ്ച ഇവരെ അറസ്റ്റ് ചെയ്തു. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു. പ്രത്യുഷിന്റെ പേരില്‍ ചേര്‍പ്പ് പൊലീസ് സ്റ്റേഷനില്‍ ഒരു കവര്‍ച്ചക്കേസും അന്തിക്കാട് പൊലീസ് സ്റ്റേഷനില്‍ രണ്ട് വധശ്രമക്കേസും ഒരു കവര്‍ച്ച കേസും മയക്കുമരുന്ന് ഉപയോഗിച്ചതിനുള്ള കേസുമുണ്ട്.
കിരണിന്റെ പേരില്‍ അന്തിക്കാട് പൊലീസ് സ്റ്റേഷനില്‍ രണ്ട് അടിപിടി കേസുകളുമുണ്ട്. അന്തിക്കാട് പൊലീസ് സ്റ്റേഷന്‍ സബ് ഇന്‍സ്‌പെക്ടര്‍ സുബിന്‍, ജോസി, പൊലീസ് ഉദ്യോഗസ്ഥരായ ശിവകുമാര്‍, ഫൈസല്‍ എന്നിവര്‍ ചേര്‍ന്നാണ് പ്രതികളെ അറസ്റ്റ് ചെയ്തത്.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/03/01/iSx13fOm9MWEwgDH8nHi.jpeg)