തീവ്ര ന്യുനമർദ്ദവും ന്യൂനമർദപാത്തിയും: ശക്തമായ മഴക്ക് സാധ്യത, കേരള തീരത്ത് കാലവർഷ കാറ്റിന് മണിക്കൂറിൽ 80 കിലോമീറ്റർ വരെ വേഗത

തിരുവനന്തപുരം: സംസ്ഥാനത്ത് ഈ മാസം 29 വരെ ശക്തമായ മഴയുണ്ടാകുമെന്ന് കേന്ദ്ര കാലാവസ്ഥാ വകുപ്പ്. മഹാരാഷ്ട്ര തീരം മുതൽ കേരള തീരം വരെ തീരത്തോട് ചേർന്നുള്ള ന്യൂനമർദപാത്തി സ്ഥിതിചെയ്യുന്നുണ്ട്. പശ്ചിമ ബംഗാളിന്റെ തീരത്തിന് മുകളിലും വടക്കു പടിഞ്ഞാറൻ ബംഗാൾ ഉൾക്കടലിനും മുകളിലുമായി തീവ്രന്യൂനമർദവും സ്ഥിതിചെയ്യുന്നു. ഇത് ഗംഗാതട പശ്ചിമ ബംഗാളിനും വടക്കൻ ഒഡിഷ, ജാർഖണ്ഡ് മേഖലയിലേക്ക് നീങ്ങാൻ സാധ്യതയുണ്ട്. അതിനാൽ കേരളത്തിൽ വരും ദിവസങ്ങളിൽ ശക്തമാകുമെന്നാണ് പ്രവതനം.

കേരള തീരത്ത് കാലവർഷ  കാറ്റ് മണിക്കൂറിൽ 80  കിലോമീറ്റർ വരെ വേഗത കൈവരിച്ചിരിക്കുന്നു. ഇതിനാൽ  എല്ല ജില്ലകളിലും ശക്തമായ കാറ്റിനും  മഴക്ക് സാധ്യതയുള്ളതിനാൽ  രാത്രി പ്രത്യേക ജാഗ്രത പാലിക്കേണ്ടതാണ്. വയനാട്,മലപ്പുറം, തൃശൂർ,എറണാകുളം, ഇടുക്കി, പത്തനംതിട്ട, മലയോര മേഖലയിൽ   പ്രത്യേക ജാഗ്രത നിർദേശവുമുണ്ട് 

സംസ്ഥാനത്ത് ഇന്ന് അതിശക്തമായ മഴയ്ക്കും ജൂലൈ 29 വരെ ശക്തമായ മഴയ്ക്കും സാധ്യതയുണ്ടെന്നാണ് അറിയിപ്പ്. ഒറ്റപ്പെട്ടയിടങ്ങളിൽ നാളെ വരെ മണിക്കൂറിൽ 50 മുതൽ 60 കിലോമീറ്റർ വരെ വേഗതയിൽ ശക്തമായ കാറ്റിനു സാധ്യതയുണ്ട്. ഇന്ന് പത്തനംതിട്ട, കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം ജില്ലകളിൽ ഓറഞ്ച് അലർട്ടാണ്. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്.