ഷഹബാസ് വധം; കുറ്റാരോപിതാരായ വിദ്യാർത്ഥികളുടെ പരീക്ഷാഫലം പുറത്തു വിടരുതെന്ന് പിതാവ്. ബാലാവകാശ കമ്മീഷന് കത്ത്

താമരശ്ശേരി:  ഷഹബാസ് വധക്കേസില്‍ കുറ്റാരോപിതരായ വിദ്യാര്‍ത്ഥികളുടെ എസ്എസ്എല്‍സി പരീക്ഷാ ഫലം പുറത്തുവിടണമെന്ന ഉത്തരവ് പിന്‍വലിക്കണമെന്ന് ആവശ്യപ്പെട്ട് ബാലാവകാശ കമ്മീഷന് കത്തയച്ച് ഷഹബാസിന്റെ പിതാവ്. 

പരീക്ഷാ ഫലം ഈ മാസം പതിനെട്ടിനകം പ്രസിദ്ധീകരിക്കണമെന്നായിരുന്നു ബാലാവകാശ കമ്മിഷന്‍ നിര്‍ദേശം നല്‍കിയത്.

പരീക്ഷാ ഫലം തടഞ്ഞുവെച്ച നടപടി ബാലാവകാശ നിയമത്തിന് എതിരാണെന്നും പരീക്ഷാ ഫലം തടഞ്ഞതും ഡീ ബാര്‍ ചെയ്തതും നിയമവിരുദ്ധമാണെന്നും ബാലാവകാശ കമ്മിഷന്‍ വ്യക്തമാക്കിയിരുന്നു.