ഷൈന്‍ ടോം ചാക്കോ എവിടെയെന്ന് ചോദിക്കുന്നവര്‍ക്കായി, ഇതാ എക്സ്ക്ലൂസീവ് ഫൂട്ടേജ് ! വീഡിയോ പങ്കുവച്ച് ഷൈൻ, ഒപ്പം പരിഹാസവും

കൊച്ചി: ഹോട്ടലിൽ നിന്നു രക്ഷപ്പെട്ട ഷൈൻ ടോം ചാക്കോ എവിടെയെന്ന് ചോദ്യങ്ങൾക്ക് മറുപടിയുമായി നടന്‍ തന്നെ രം​ഗത്തെത്തി.

ശുചിമുറിയിലേക്ക് ഓടിക്കയറി തിരിച്ചിറങ്ങുന്ന വിഡിയോ ഇൻസ്റ്റ​ഗ്രാം സ്റ്റോറിയായി പങ്കുവച്ചുകൊണ്ടായിരുന്നു ഷൈന്റെ മറുപടി.

ഹോട്ടലില്‍ നിന്ന് ചാടി രക്ഷപെട്ടുവെന്ന വാര്‍ത്തയെയും നടൻ പരിഹസിച്ചിട്ടുണ്ട്. ‘ഷൈന്‍ ടോം ചാക്കോ എവിടെ എന്ന് ചോദിക്കുന്നവര്‍ക്കായി, ഇതാ എക്സ്ക്ലൂസീവ് ഫൂട്ടേജ്. അല്ലാതെ പിന്നെ ഞാന്‍ എന്ത് പറയാന്‍’ എന്ന് കുറിച്ചായിരുന്നു ഷൈന്‍ വിഡിയോ പങ്കുവച്ചത്. 

പിന്നാലെ ഷൈന്‍ ടോം ചാക്കോയും വിന്‍സി അലോഷ്യസും പ്രധാനകഥാപാത്രങ്ങളായി എത്തുന്ന ‘സൂത്രവാക്യം’ എന്ന ചിത്രത്തിന്‍റെ പോസ്റ്ററും ഷൈന്‍ പങ്കുവച്ചിട്ടുണ്ട്.