തൃശൂര്‍ അമ്പലംകാവില്‍ അമ്മയെയും കുഞ്ഞിനെയും വീട്ടില്‍ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി

തൃശൂര്‍: തൃശൂരില്‍ യുവതിയും കുഞ്ഞും വീട്ടില്‍ ദുരൂഹ സാഹചര്യത്തില്‍ മരിച്ച നിലയില്‍. അടാട്ട് അമ്പലംകാവിലാണ ്‌സംഭവം. ശില്‍പ (30), മകന്‍ അക്ഷയ്ജിത്ത്(5) എന്നിവരാണ് മരിച്ചത്.

ശില്‍പ തൂങ്ങി മരിച്ച നിലയിലും കുഞ്ഞ് കട്ടിലില്‍ മരിച്ചുകിടക്കുന്ന നിലയിലുമായിരുന്നു. കുഞ്ഞിനെ കൊലപ്പെടുത്തിയ ശേഷം ശില്‍പ ജീവനൊടുക്കിയതായാണ് കരുതുന്നത്.

പനിയെ തുടര്‍ന്ന് ഇന്നലെ രാത്രി മറ്റൊരു മുറിയില്‍ ഉറങ്ങിയിരുന്ന ശില്‍പയുടെ ഭര്‍ത്താവ് രാവിലെ ശില്‍പ വാതില്‍ തുറക്കാത്തതിനെ തുടര്‍ന്ന് പരിശോധിച്ചപ്പോഴാണ് ഭാര്യയെയും കുഞ്ഞിനെയും മരിച്ച നിലയില്‍ കണ്ടെത്തിയത്.