90 ശതമാനം വരെ സ്വർണ്ണ വായ്പ; 'എസ്ഐബി ഗോൾഡ് എക്സ്പ്രസ്' അവതരിപ്പിച്ച് സൗത്ത് ഇന്ത്യൻ ബാങ്ക്

കൊച്ചി: സ്വർണ്ണത്തിനു 90 ശതമാനംവരെ വായ്പ ലഭിക്കുന്ന പുതിയ പദ്ധതിയുമായി സൗത്ത് ഇന്ത്യൻ ബാങ്ക് എസ്ഐബി ഗോൾഡ് എക്സ്പ്രസ്' അവതരിപ്പിച്ചു. ബിസിനസ് വിപുലീകരണത്തിനും മൂലധന സമാഹരണത്തിനും,വ്യക്തിഗത സംരംഭങ്ങൾക്കും,സൂക്ഷ്മ- ചെറുകിട, ഇടത്തരം സംരംഭകരേയും ചെറുകിട ബിസിനസുകാരെയും സാമ്പത്തികമായി സഹായിക്കാൻ ലക്ഷ്യമിട്ടാണ് ബാങ്ക് പുതിയ പദ്ധതി പുറത്തിറക്കിയത്.

നാമമാത്രമായ രേഖകൾ, വേഗത്തിലുള്ള പ്രോസസ്സിംഗ്, സുതാര്യത എന്നിവയാണ് എസ്ഐബി ഗോൾഡ് എക്സ്പ്രസ് വായ്പയുടെ പ്രത്യേകത. വായ്പ നടപടിക്രമങ്ങളെല്ലാം ഡിജിറ്റലായി പൂർത്തിയാക്കാനുള്ള സൗകര്യവും ലഭ്യമാണ്. രാജ്യത്തെ മുഴുവൻ ശാഖകളിലും  പുതിയ ഉപഭോക്താക്കൾക്കുൾപ്പടെ എല്ലാവർക്കും എസ്ഐബി ഗോൾഡ് എക്സ്പ്രസ് സൗകര്യം ലഭ്യമാണെന്ന് സൗത്ത് ഇന്ത്യൻ ബാങ്ക് അറിയിച്ചു.