എറണാകുളം ജില്ലയിൽ കാഞ്ഞിരമറ്റം,പുതുവാശ്ശേരി ശക്തികാവ് ശ്രീകൃഷ്ണ ക്ഷേത്രത്തിൽ കൃഷ്ണനാട്ടം അവതരിപ്പിച്ചു

കാഞ്ഞിരമറ്റം: പുതുവാശ്ശേരി ശക്തികാവ് ശ്രീകൃഷ്ണ ക്ഷേത്രത്തിൽ,  ഉത്സവത്തിന്റെ ഭാഗമായി ഗുരുവായൂർ ക്ഷേത്ര കലാനിലയം  കൃഷ്ണനാട്ടം അവതരിപ്പിക്കുകയുണ്ടായി. കൃഷ്ണനാട്ട  കഥകളിലെ നാലാം കഥയായ 'കംസ വധം' എന്ന കഥയാണ് അവതരിപ്പിച്ചത്. 

കൃഷ്ണനാട്ടത്തിൽ അവതാരം മുതൽ സ്വർഗ്ഗരോഹണം വരെയുള്ള കഥകൾ 8 ഭാഗമായിട്ടാണ്  അവതരിപ്പിക്കുന്നത്. കഴിഞ്ഞ മുപ്പത് വർഷമായി  ക്ഷേത്രത്തിൽ നടത്തുന്ന  ഭക്തിസാന്ദ്രമായ ഈ കലാരൂപം ദർശിക്കുന്നത് വിശേഷമായി കരുതപ്പെടുന്നു. 

ഗുരുവായൂർ ക്ഷേത്രത്തിനു പുറത്ത് അപൂർവമായിട്ടേ ഈ കലാരൂപം നടത്തപ്പെടാറുള്ളു. "കൃഷ്ണനാട്ടം" നടക്കുന്ന സ്ഥലത്തു ഗുരുവായൂരപ്പന്റെ സാന്നിധ്യം ഉണ്ടെന്നു പറയപ്പെടുന്നു.

ഈ ക്ഷേത്രത്തിൽ ചതുർബാഹുവായ ശ്രീകൃഷ്ണനും ഭഗവതിയും പടിഞ്ഞാറ് ദർശനമായിട്ടാണ് കുടികൊള്ളുന്നത്.