മുണ്ടക്കൈയിൽ നിന്ന് 8 മൃതദേഹങ്ങൾ കൂടി കണ്ടെത്തി; കുടുങ്ങി കിടക്കുന്നവരെ പുറത്തെത്തിക്കുക ആദ്യ പരിഗണന; മുണ്ടക്കൈയിലെ സുദേവന്റെ വീട്ടിൽ പരിശോധന

വയനാട്:  കുടുങ്ങി കിടക്കുന്നവരെ പുറത്തെത്തിക്കുകയാണ് ആദ്യ പരിഗണനയെന്ന് മന്ത്രി കെ രാജന്‍. ബെയ് ലി പാലം നിര്‍മ്മാണം ഉടന്‍ പൂര്‍ത്തിയാക്കും. കൂടുതല്‍ സേനാംഗങ്ങള്‍ അല്‍പ്പസമയത്തിനകം എത്തും. 486 പേരെ ഇതുവരെ രക്ഷിക്കാനായെന്നും മന്ത്രി അറിയിച്ചു.

പ്രദേശവാസിയായ സുദേവന്റെ രണ്ട് നില വീടിന്റെ മേല്‍ക്കൂര വരെ മണ്ണ് മൂടിയ നിലയിലാണ്. ഉള്ളില്‍ ആളുകള്‍ കുടുങ്ങി കിടക്കുന്നതായി സംശയമുണ്ട്. ഗ്യാസ് കട്ടര്‍ ഉപയോഗിച്ച് ഷീറ്റ് മുറിച്ച് മാറ്റാന്‍ ശ്രമിക്കുകയാണ്.

സുദേവന്റെ വീട് ആര്‍മി പൊളിക്കുകയാണ്. സുദേവന്റെ വീട്ടില്‍ അഞ്ച് പേര്‍ ഉണ്ടെന്ന് ബന്ധു പറഞ്ഞു. സുദേവന്റെ ഫോണ്‍ ഇന്നലെ രാത്രി ഏഴ് മണി വരെ റിങ് ചെയ്തിരുന്നതായും ബന്ധു പറയുന്നു.