എന്നെപ്പോലെയല്ല എംടി. അദ്ദേഹം പല മേഖലകളിലും കൈവച്ചിട്ടുണ്ട്, എംടിയുമായി 1950 മുതലുള്ള പരിചയമാണ്. ആരോഗ്യ സംബന്ധമായ പ്രശ്നങ്ങളുള്ളതിനാല്‍ എനിക്ക് പോകാനോ കാണാനോ കഴിഞ്ഞിട്ടില്ല. അനുസ്മരിച്ച് ടി പത്മനാഭന്‍

കണ്ണൂര്‍: എംടിയുമായി 1950 മുതലുള്ള പരിചയമാണെന്ന് കഥാകൃത്ത് ടി പത്മനാഭന്‍. സമ്മിശ്രമായ ധാരാളം അനുഭവങ്ങളുണ്ടെന്നും അദ്ദേഹം പറഞ്ഞു. ആരോഗ്യ സംബന്ധമായ പ്രശ്നങ്ങളുള്ളതിനാല്‍ എനിക്ക് പോകാനോ കാണാനോ കഴിഞ്ഞിട്ടില്ല.

എംടിയെ ഏറ്റവും ഒടുവില്‍ കണ്ടത് രണ്ട് കൊല്ലം മുന്‍പാണ്. അദ്ദേഹത്തിന്റെ അന്ത്യം ഇത്ര വേഗത്തില്‍ വരുമെന്ന് വിചാരിച്ചില്ല

എന്നെപ്പോലെയല്ല എംടി. എം ടി പല മേഖലകളിലും കൈവച്ചിട്ടുണ്ട്. അദ്ദേഹത്തിന്റെ ലോകം വിശാലമാണ്. ഈ നഷ്ടം മലയാള സാഹിത്യത്തില്‍ എളുപ്പത്തിലൊന്നും നികത്താനാവില്ലെന്നും ടി പത്മനാഭന്‍ പറഞ്ഞു.