ടെറിട്ടോറിയൽ ആർമിയുടെ 77 വർഷത്തെ നിസ്വാർത്ഥ സേവനത്തെ പ്രശംസിച്ച് നടൻ മോഹൻലാൽ

ന്യൂഡൽഹി: ടെറിട്ടോറിയൽ ആർമിയുടെ 77 വർഷത്തെ നിസ്വാർത്ഥ സേവനത്തെ പ്രശംസിച്ച് നടൻ മോഹൻലാൽ. 

 122-ാമത് ഐഎൻഎഫ് ബിഎൻ (ടിഎ) നൊപ്പം സേവനമനുഷ്ഠിക്കുന്നതിൽ അഭിമാനം പ്രകടിപ്പിച്ച അദ്ദേഹം ഇന്ത്യയുടെ ആത്മാവിനെ പ്രതിനിധീകരിക്കുന്ന പുരുഷന്മാർക്കും സ്ത്രീകൾക്കും നന്ദി പറഞ്ഞു. രക്തസാക്ഷികളായ ഓരോ ധീര സൈനികനെയും മോഹൻലാൽ അഭിവാദ്യം ചെയ്യുകയും  അവരുടെ കുടുംബത്തിന്റെ ത്യാഗങ്ങളെ ആദരിക്കുകയും ചെയ്തു.

"77 വർഷത്തെ നിസ്വാർത്ഥ സേവനത്തിന്റെയും, സ്ഥിരോത്സാഹത്തിന്റെയും, അചഞ്ചലമായ പ്രതിബദ്ധതയുടെയും പ്രതീകമാണ് ടെറിട്ടോറിയൽ ആർമി. ഇന്ത്യയുടെ യഥാർത്ഥ ആത്മാവിനെ പ്രതിഫലിപ്പിക്കുന്ന ധീരരായ പുരുഷന്മാർക്കും സ്ത്രീകൾക്കും ഒപ്പം കോഴിക്കോട്, മദ്രാസ് എന്നിവിടങ്ങളിലെ 122-ാമത് ഐഎൻഎഫ് ബിഎൻ (ടിഎ)യിൽ സേവനമനുഷ്ഠിക്കുന്നതിൽ അഭിമാനിക്കുന്നു" എന്ന് എക്‌സിലെ തന്റെ സന്ദേശത്തിൽ മോഹൻലാൽ എഴുതി.

ഐക്യത്തിന്റെയും ദേശീയ സേവനത്തിന്റെയും മൂല്യങ്ങളെ പ്രതിഫലിപ്പിക്കുന്ന, നിലവിലുള്ളതും മുൻ സൈനികരെയും ഉദ്ദേശിച്ചുള്ളതായിരുന്നു മോഹൻലാലിന്റെ സന്ദേശം.